حالىق قالاسا، اۋدان اتى اۋىسادى!

30 جىل بويى حالىق پاۆلوداردى اۋىستىر دەدى. اۋىستىرمادى.
30 جىل بويى حالىق پەتروپاۆلدى اۋىستىر دەدى. اۋىستىرمادى.
30 جىل بويى حالىق ستەپنوگورسكتى اۋىستىر دەدى. اۋىستىرمادى.
ءداۋ اعاڭمەن ىرگەلەس جاتقان ءداۋ قالالاردى اۋىستىرۋعا ءالىڭ كەلمەيدى ەكەن دەلىك.

ەشكىممەن ىرگەلەس ەمەس، قازاقتىڭ قاق ورتاسىنداعى، الماتىنىڭ ىرگەسىندەگى كىپ-كىشكەنتاي ۇيعىر اۋدانىن اۋىستىر دەگەلى دە 30 جىل بولدى عوي! وسىنى اۋىستىرۋعا دوتەندەرىڭ شىداماسا، نەسىنە پرەزيدەنت بولىپ، نەسىنە مينيستر بولىپ، نەسىنە اكىم بولىپ قوپاڭداپ جۇرسىڭدەر؟؟
ءدىر-ءدىر ەتىپ كولەڭكەسىنەن قورىققان قورقاقتار! الاقانداي اۋداننىڭ اتىن اۋىستىرۋعا دۋحىڭ جەتپەسە، اتاڭنىڭ باسىنا بيلىك، ۇكىمەت، مەملەكەت باسىندا وتىرسىڭ با؟

سەندەردىڭ الدەرىڭ قازاققا عانا جەتەدى، وسىعان كوزىمىز جەتتى!..
الدە ەلدى قاسىم بيلەيدى،
قاسىمدى ءماسىم بيلەي مە؟
اقىرى ۇيعىرعا ءبىر اۋداننىڭ اتىن بەرىپ، قايتارا الماي جۇرسىڭدەر عوي، 140 ۇلتقا 140 اۋداننىڭ اتىن بەرسەڭدەرشى... تۋتۇعىرلاردا دا 140 ەلدىڭ تۋى تۇرسىن...

و زامان دا بۇ زامان، تاۋەلسىز ەل ءوز قالاۋىنشا ءوز جەرىنە تۋىن ىلە الماعانى، ءوز جەرىن ءوز قالاۋىنشا اتاي الماعانى نە سۇمدىق؟؟؟ ار-ۇيات، نامىستىڭ، تىم بولماسا، جۇرناعى بار ما وزدەرىڭدە؟
ءسوزىم جوق!

مەن بۇرىن تاۋەلسىز ەلدە كوشە، جەر-سۋ اتتارىن اۋىستىرۋ وسىنشالىقتى داۋلى ماسەلەگە اينالادى دەپ ويلاماعان ەدىم. سوڭعى 10 جىلدا ءار ۇلتتىڭ استىنا ءبىر توسەنىش بولعان بيلىكتىڭ ءىس-ارەكەتتەرىنەن قاراپايىم عانا ىشكى ساياساتتى شەشە المايتىن، بولماشى نارسەنى وسىنشاما كۇردەلەندىرەتىن، ءار ىسىمەن حالىقتى جامىراتىپ شۋلاتۋدى عانا بىلەتىن بىلىكسىزدىگىنەن، جىگەرسىزدىگىنەن، رۋحسىزدىعىنان، ساتقىندىعىنان ءتۇڭىلدىم...

ساۋلە ابىلداحانقىزى

Abai.kz