قىرعىزستاننىڭ بۇرىنعى پرەزيدەنتى اسقار اقاەۆتان ۇلتتىق قاۋىپسىزدىك مەملەكەتتىك كوميتەتى (ۇقك) جاۋاپ الۋدا. بۇل تۋرالى 15 جەلتوقساندا ەكس-مەملەكەت باسشىسىنىڭ ارىپتەسى بەكبولوت تالعاربەكوۆ مالىمدەدى. 

ونىڭ ايتۋىنشا، اسقار اقاەۆ «قۇمتور» ءىسى بويىنشا ۇلتتىق قاۋىپسىزدىك كوميتەتىنە كۋاگەر رەتىندە جاۋاپ الۋعا شاقىرىلعان، قازىر ول ادۆوكاتىمەن بىرگە.

قىرعىزستاننىڭ ەكس-باسشىسى ءبىر كۇن بۇرىن ۇلى ىلىممەن بىرگە بىشكەككە ۇشىپ كەلگەن. بۇعان دەيىن تامىز ايىندا ول قىرعىزستانعا كەلگەن بولاتىن. سول كەزدەگى ساپارىندا ول دا ۇلتتىق قاۋىپسىزدىك كوميتەتىنە جاۋاپ الۋعا شاقىرىلىپ، ايعاقتار بەرىپ، تەرگەۋمەن كەلىسىمگە كەلگەن.

Abai.kz