وڭتۇستىك سۋداننىڭ شىعىسىندا سوڭعى بىرنەشە اپتادا بەلگىسىز دەرتتەن كەم دەگەندە 89 ادام قايتىس بولدى. بۇل تۋرالى Daily Mail حابارلادى.

ەلدىڭ دەنساۋلىق ساقتاۋ مينيسترلىگى دجونگلەي شتاتىنىڭ سولتۇستىگىندەگى فانگاك قالاسىندا بەلگىسىز دەرت ونداعان ادامنىڭ ءومىرىن قيعانىن حابارلادى. باسىلىمنىڭ حابارلاۋىنشا، دۇنيەجۇزىلىك دەنساۋلىق ساقتاۋ ۇيىمى (ددسۇ) 89 ادام قايتىس بولعانى تۋرالى حاباردان كەيىن ناۋقاس ادامداردان سىناما الۋ ءۇشىن جەدەل ارەكەت ەتۋ توبىن جىبەرگەن.

مەملەكەتتىك جەر، تۇرعىن ءۇي جانە كوممۋنالدىق شارۋاشىلىق ءمينيسترى لام تۋنگۆار كۋەيگۆونگ شەكارالىق بىرلىك شتاتىندا قاتتى سۋ تاسقىنى بەزگەك سياقتى اۋرۋلاردىڭ تارالۋىن ارتتىرىپ، ازىق-تۇلىك تاپشىلىعىنا بايلانىستى بالالاردىڭ دۇرىس تاماقتانباۋىنا سەبەپ بولعانىن ايتتى. وڭىردەگى كەن ورىندارىنان شىققان مۇناي سۋدى لاستاپ، ءۇي جانۋارلارىن ءولىپ جاتقانى ايتىلۋدا.

Abai.kz