قر قارجى نارىعىن رەتتەۋ جانە دامىتۋ اگەنتتىگىنىڭ باسشىسى ءماجىلىس الاڭىندا ەلىمىزدە كەزەكتى كرەديتتىك امنيستيانى وتكىزۋ جوسپارلانىپ وتىر ما دەگەن سۇراققا قاتىستى پىكىر ءبىلدىردى.

ءمادينا ابىلقاسىموۆا وتكەن اپتادا الەۋمەتتىك جەلىلەر ارقىلى "ەلىمىزدە نەسيەگە امنيستيا جاسالادى" دەگەن حابارلامالار تاراعانىن ايتتى. وسىدان كەيىن اگەنتتىككە ازاماتتار كەلە باستاعان.

"وتىنىشپەن كوپ ادام جۇگىندى، ءبىز 18 مىڭعا جۋىق ءوتىنىشتى قابىلدادىق. سونىڭ ىشىندە قارىزدى قايتا قۇرىلىمداۋ، قارىزدى جويۋ بويىنشا دا وتىنىشتەر بار. ءبىز بارلىق وتىنىشتەردى قابىلداپ، وڭدەپ، قارجى ينستيتۋتتارىنا قاراۋعا جىبەردىك. نەسيەلىك امنيستيا تۋرالى اقپارات جالعان. بۇگىنگى تاڭدا نەسيەلىك امنيستيا قاراستىرىلماعان، بۇل 2019 جىلى ءبىر رەتتىك اكتسيا بولدى", - دەدى ول.

بۇعان دەيىن جەلىدە نەسيەلىك امنيستيا بولادى دەگەن جالعان اقپارات تاراپ، حالىق دۇرلىككەن ەدى.

Abai.kz