پرەزيدەنتتوقاەۆ پرەمەر ءمينيستردىڭ مىندەتىن اتقارۋشى ەتىپ ءاليحان سمايىلوۆتى تاعايىندادى. وسىلايشا مامين باستاعان ۇكىمەت وتستاۆكاعا كەتتى. 

ءاليحان اسحانۇلى سمايىلوۆ 1972 جىلى 18 جەلتوقساندا الماتى قالاسىندا دۇنيەگە كەلگەن. ءبىلىمى جوعارى، ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن بىتىرگەن، ماماندىعى: قولدانبالى ماتەماتيكا. قر پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىن اياقتاعان، ماماندىعى: مەملەكەتتىك باسقارۋ.

ەڭبەك جولىن 1993 جىلى «ا-ينۆەست» ينۆەستيتسيالىق-جەكەشەلەندىرۋ قورىندا باستادى. 1995 جىلدىڭ جەلتوقسانى - 1996 جىلدىڭ تامىزى ارالىعىندا – الماتى قالاسى اكىمشىلىگىنىڭ ساۋدا جانە ونەركاسىپ ءبولىمىنىڭ باس مامانى;

1994 جىلدىڭ ماۋسىمى - 1996 جىلدىڭ مامىرى ارالىعىندا - قر پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىنىڭ ستۋدەنتى;

1996 جىلدىڭ تامىزى - 1998 جىلدىڭ ناۋرىزى ارالىعىندا – قر ۇلتتىق ستاتيستيكا اگەنتتىگىندە باسقارما باستىعىنىڭ ورىنباسارى، باسقارما باستىعى;

1998 جىلدىڭ ناۋرىزى - 1998 جىلدىڭ ءساۋىرى ارالىعىندا - قر ستاتيستيكالىق جوسپارلاۋ جانە رەفورما جونىندەگى اگەنتتىگىنىڭ ستاتيستيكا جانە تالداۋ كوميتەتى توراعاسىنىڭ ورىنباسارى;

1998 جىلدىڭ ءساۋىرى - 1999 جىلدىڭ قاراشاسى ارالىعىندا – قر پرەزيدەنتى اكىمشىلىگىنىڭ مەملەكەتتىك ينسپەكتورى;

1999 جىلدىڭ قاراشاسى - 2003 جىلدىڭ اقپانى ارالىعىندا – قر ستاتيستيتكا اگەنتتىگىنىڭ توراعاسى; 2003 جىلدىڭ اقپانى - 2003 جىلدىڭ ماۋسىمى ارالىعىندا – قر سىرتقى ىستەر مينيسترلىگىنىڭ ۆيتسە-ءمينيسترى;

2003 جىلدىڭ ماۋسىمى - 2006 جىلدىڭ قاڭتارى ارالىعىندا – «ەكسپورتتىق كرەديتتەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» اكتسيونەرلىك قوعامى باسقارماسىنىڭ توراعاسى;

2006 جىلدىڭ اقپانى - 2007 جىلدىڭ قاڭتارى ارالىعىندا – قر قارجى ۆيتسە-ءمينيسترى;

2007 جىلدىڭ قاڭتارى - 2008 جىلدىڭ قاراشاسى ارالىعىندا - «قازاگرو» ۇلتتىق حولدينگى» اق پرەزيدەنتى;

2008 جىلدىڭ قاراشاسى - 2009 جىلدىڭ قازانى ارالىعىندا - قر قارجى ۆيتسە-ءمينيسترى;

2009 جىلدىڭ قازانىنان باستاپ 2014 جىلدىڭ تامىزى ارالىعىندا – قازاقستان رەسپۋبليكاسى ستاتيستيكا اگەنتتىگىنىڭ توراعاسى;

2014 جىلدىڭ تامىزى - 2015 جىلدىڭ جەلتوقسانى ارالىعىندا - قر ۇلتتىق ەكونوميكا مينيسترلىگى ستاتيستيكا كوميتەتىنىڭ توراعاسى;

2015 جىلدىڭ جەلتوقسانى - 2018 جىلدىڭ قىركۇيەگى ارالىعىندا - قازاقستان رەسپۋبليكاسى پرەزيدەنتىنىڭ كومەكشىسى;

2018 جىلدىڭ قىركۇيەگىنەن – قازاقستان رەسپۋبليكاسىنىڭ قارجى ءمينيسترى. 2019 جىلدىڭ اقپانىنان وسى ۋاقىتقا دەيىن قر پرەمەر-ءمينيسترىنىڭ ءبىرىنشى ورىنباسارى - قر قارجى ءمينيسترى قىزمەتتەرىن اتقارعان.

«ەرەن ەڭبەگى ءۇشىن» مەدالىمەن، «قۇرمەت» وردەنىمەن، «قازاقستان تاۋەلسىزدىگىنە 10 جىل»، «قازاقستان كونستيتۋتسياسىنا 10 جىل»، «استاناعا 10 جىل»، «ەۋرازيالىق ەكونوميكالىق وداقتى قۇرۋعا قوسقان ۇلەسى ءۇشىن» II دارەجەلى مەدالدارىمەن ماراپاتتالعان.

Abai.kz