قازاقستان جازۋشىلار وداعى وسىدان ەكى كۇن بۇرىن باستاما كوتەرىپ، ەلىمىزدە قالىپتاسقان جاعدايعا بايلانىستى قازاق ەلىنە ۇندەۋ ازىرلەگەن بولاتىن. ۇندەۋگە ادەبيەت، ونەر، عىلىم سالاسىنىڭ قايراتكەرلەرى مەن وكىلدەرى قول قويعان.

قازاق ەلىنە ۇندەۋ

قادىرلى باۋىرلار!

ءبىز - ادەبيەت جانە ونەر قايراتكەرلەرى، ەلدەگى اۋىر جاعدايعا ۇلكەن الاڭداۋشىلىق ءبىلدىرىپ، كەلەسىنى مالىمدەيمىز.

ەلىمىزدە قالىپتاسىپ وتىرعان قوعامدىق-ساياسي جاعداي وتە كۇردەلى.

ىشتەن شىققان جاۋ مەن سىرتتان سوققان جاۋدىڭ قۇيتىرقى ارەكەتتەرىنىڭ ناتيجەسىندە، ەل ءىشى ءبۇلىنىپ، قالالارىمىز قيراپ، ستراتەگيالىق نىساندارىمىز وتقا ورانىپ، بەيبىت تۇرعىندارىمىز زارداپ شەگىپ جاتىر.

ءىرى ساۋدا ورتالىقتارى تونالىپ، بانكتتەر مەن قوعامدىق ورىندار تالقاندالىپ، جارامسىز بوپ قالدى.

سۇلۋ الماتىمىز ءالى كۇنگە دەيىن قارا تۇتىنگە تۇنشىعىپ تۇر. تۇرعىندارىمىزدىڭ كوزىندە ۇرەي، جۇرەگىندە الاڭ ورناپ الدى.

سىرتتان مۇزداي قارۋلانعان ەكسترەميستتىك توپتار بەيبىت شەرۋگە شىققان جۇرتتى ارامزا پيعىلمەن ارانداتىپ، ەل ءىشىن الا تايداي ءبۇلدىرىپ، تىنىش ومىرىمىزگە ويران سالىپ، باسسىزدىقپەن، قانىپەزەرلىكپەن جازىقسىز جانداردىڭ قانىن توكتى.

مۇنداي سۇمدىق وقيعالاردى قازاقستان بۇرىن-سوڭدى كورگەن ەمەس.

وزدەرىنىڭ پاسىق مۇددەلەرى ءۇشىن حالىق پەن قالالاردى قۇرباندىققا شالعان زىميان ادامداردىڭ مۇنداي جاۋىزدىق، قاسكۇنەمدىك ارەكەتتەرىن زيالى، كوزى اشىق ازاماتتار كورىپ وتىر جانە قاتاڭ ايىپتاۋدا.

سوندىقتان، وسىنداي الاعاي دا بۇلاعاي شاقتا، ەلىمىز ءۇشىن تاريحي سىن ساعاتتا ءبىز زاڭدى تۇردە سايلانعان، بارلىق قۇزىرەتتى قولىنا العان پرەزيدەنتىمىز قاسىم-جومارت كەمەلۇلى توقاەۆتىڭ قاسىنا توپتاسىپ، بىرلەسە قيمىلداپ، ەلدەگى جاعدايدى تۇراقتاندىرۋعا ءتيىسپىز.

جانە كۇللى الاش جۇرتىن ءبىر جەڭنەن قول، ءبىر جاعادان باس شىعارىپ، بىرلىكتە بولۋعا شاقىرامىز!

قولىمىزداعى ەڭ قاسيەتتى، ەڭ كيەلى دەپ سانالاتىن ارداقتى تاۋەلسىزدىگىمىزدى ساقتاپ قالايىق! ەل امان بولسىن!

قۇرمەتپەن،

1. ءاسانالى ءاشىموۆ;
2. ءسابيت ورازباەۆ;
3. سەيىت قاسقاباسوۆ
4. نۇرعالي ءنۇسىپجانوۆ
5. دۋلات يسابەكوۆ
6. كادىربەك سەگىزباەۆ
7. بەكسۇلتان نۇرجەكەەۆ
8. تەمىرحان مەدەتبەك
9. جابال ەرعاليەۆ
10. مولداحمەت قانازوۆ
11. التىنبەك قورازباەۆ،
12. دوسحان جولجاقسىنوۆ
13. ۇلىقبەك ەسداۋلەت
14. تالعات تەمەنوۆ
15. سەكەن تۇرىسبەكوۆ
16. نەسىپبەك ايتۇلى
17. ءجۇرسىن ەرمان
18. روزا رىمباەۆا
19. مەرەكە قۇلكەنوۆ
20. قۇلبەك ەرگوبەك
21. كەنجەحان ماتىجانوۆ
22. انار فازىلجان
23. باۋىرجان جاقىپ
24. دۇكەن ءماسىمحان
25. بەكجان تۇرىس
26. مارالتاي رايىمبەكۇلى
27. داۋرەن قۋات
28. ساكەن سىبانباي
29. باقىت بەدەلحان
30. مەيرامبەك بەسباەۆ
31. داۋلەتكەرەي كاپۇلى
32. ەرعالي ءابدىرايىم
33. اقبەرەن ەلگەزەك
34. سەرىك اقسۇڭقارۇلى
35. تۇرسىن جۇرتباي
36. باۋىرجان باباجانۇلى

قول قويۋ جالعاسادى.

Abai.kz