ەل پرەزيدەنتى قاسىم-جومارت توقاەۆ پارلامەنت ءماجىلىسىنىڭ وتىرىسىندا «قازاقستان حالقى» قوعامدىق قورىن قۇرۋدى تاپسىردى.

بىزدە ۇلتتىق قور بار. بۇل – ەلىمىزدىڭ قارجىلىق قولداۋى. بۇگىن مەن «قازاقستان حالقى» قوعامدىق الەۋمەتتىك قورىن قۇرۋدى تاپسىرامىن. ول دەنساۋلىق ساقتاۋ، ءبىلىم بەرۋ، الەۋمەتتىك قولداۋ سالالارىنداعى ناقتى ماسەلەلەردى شەشۋمەن اينالىسادى. ماسەلەن، سيرەك كەزدەسەتىن اۋرۋعا شالدىققان بالالارعا كومەكتەسۋ. شىنىندا دا، كوپتەگەن وتباسىلار ءۇشىن ەمدەلۋ قۇنى قولجەتىمسىز. قالالاردا، اۋدانداردا، كەنتتەردە، اۋىلداردا بالالارعا ارنالعان سپورت نىساندارىن سالامىز. دارىندى بالالارعا كومەك كورسەتەمىز. مادەنيەتتى قولدايىق. الماتىنىڭ جانتۇرشىگەرلىك اپاتتان ايىعۋىنا كومەكتەسەيىك. وسى قوردان ءبىز قازا بولعان پوليتسەيلەر مەن اسكەري قىزمەتكەرلەردىڭ وتباسىلارىنا قولداۋ كورسەتەمىز, - دەدى پرەزيدەنت.

پرەزيدەنتتىڭ ايتۋىنشا، قوردى قارجىلاندىرۋ جەكە جانە مەملەكەتتىك كوزدەردەن، مەتسەناتتاردان، قايىرىمدىلىق قورلارىنان بولادى. بارلىق قۇجاتتار مەن جوبالار كوپشىلىككە جاريالانادى. ماقساتتارى – دەنساۋلىق ساقتاۋ، ءبىلىم بەرۋ، بالالار سپورتى جانە باسقا دا قوعامنىڭ قاجەتتىلىكتەرىنە جاۋاپ بەرۋ.

Abai.kz