كەشەگى ايتىلعان اڭگىمەلەردىڭ ءبىرى بايلار مەن كەدەيلەردىڭ اراسىنىڭ الشاقتاپ كەتكەندىگى. راسىندا دا سولاي بولىپ جاتىر. ونى ءبارى بىلەدى. پاندەميادان سوڭ ودان رەسمي ستاتيستيكا بويىنشا دا كەدەيلەر كوبەيىپ كەتتى. ەندى ارى قاراي نە بولماق؟ ەستەرىڭىزدە بولسا قايبىر جىلى ايلىعى كوپتەرگە سالىناتىن تابىس سالىعى جايلى اڭگىمە بولىپ ەدى. سونىڭ اقىرى جوق بولدى. ارينە ۇكىمەت باسىنداعىلار مەن كۆازيمەملەكەتتە ميلليونداپ بونۋس الاتىندارعا ول جاعىمسىز جاڭالىق. مەنىڭشە وسىنى قايتا قوزعاۋ كەرەك سياقتى.

سوسىن دامىعان ەلدەرگە ءتان نالوگ نا روسكوش دەگەن سالىقتى ەڭگىزۋ كەرەك. بىزدە ءدال قازىر 1-2 پاتەرى بار ادام دا 100-200 پاتەرى بار ادام دا بىردەي مولشەردە سالىق تولەيدى. بۇل ادىلەتسىزدىك. 1-2 پاتەر مۇقتاجدىق، قالعان پاتەرلەرى جالعا بەرىپ ءپاسسيۆتى اقشا تابۋدىڭ ارەكەتى. سول ءۇشىن 4-5 پاتەردەن ارىلاردىڭ مۇلىك سالىعى باسقاشا بولۋ كەرەك. سول كەزدە جۇرت جاپپاي پاتەر الا بەرمەيدى. بۇل پاتەر باعاسىنىڭ نەگىزسىز قىمباتتاۋىنىڭ الدىن الۋى مۇمكىن.

مەملەكەتتىڭ ەڭ نەگىزگى مىندەتى ورتا تاپتى قالىپتاستىرۋ كەرەك. ورتا تاپ كوپ بولسا اركىم وزىمەن ءوزى. كەشەگى ميتينگىگە شىققانداردىڭ كوبىسى قازاقتىلدى قازاقتار. بىزدە كوبىنەسە جاعدايى جوقتار دا وسىلار. 2-3 مىڭ دوللار تابىس تاباتىندار شىقپايدى ميتينگىگە. دۇكەن تونايتىندار دا سول كەدەيلەر. قىستا جازدىق اياق كيىممەن جۇرگەندەر دە كەدەيلەر. جاڭا قازاقستاندى قۇرعىسى كەلەتىندەردىڭ نەگىزگى ماقساتى كەدەيلەردىڭ سانىن ازايتۋ بولماسا جاعداي قيىن. تابىسىمىزدىڭ 50%-ىن تاماققا جۇمساپ جاقىن ارادا كوممۋنيزمدى ورناتا المايمىز.

سابيت رىسباەۆ

Abai.kz