حالىقتى قورلاپ، ازاپتاۋعا بۇيرىق بەرگەن كىم؟
حالىقتى قورلاپ، ازاپتاۋعا بۇيرىق بەرگەن كىم؟
مويىنداۋ كەرەك، قوعامدا “پوليتسيانىڭ مارتەبەسىن كوتەرىپ، جالاقىسىن جوعارىلاتۋ كەرەك” دەپ، ماسەلەنى ورتاعا سالىپ جۇرگەن بەلسەندىنىڭ ءبىرى - مەنمىن!
بىراق، جاندارىن قويارعا جەر تاپپاي شىرىلداپ، كومەك سۇراپ جاتقان حالقىمدى كورىپ، بۇدان ارتىق شىداپ تا، قاراپ تا وتىرا المادىم!
الاڭعا شىققان جىگىتتەردىڭ ءتىسىن جۇلىپ، ۇتىك باسىپ، تىرناعىنا ينە تىعۋ - بۇل ەندى ناعىز قاتىگەزدىك! ادام تۇرماق، جانۋار مەن جاندىكتى دە بۇلاي قورلاۋعا بولمايدى عوي! كانىگى جان-جانۋاردى ازاپتاعانداردى تاۋىپ، زاڭمەن قۋدالاپ جاتقاندا، بىزدە ادامنىڭ جانىن وسىلاي ازاپتايدى. باسقا ەمەس، پوليتسيا ازاپتايدى!
ءيا، الاڭعا شىققانداردىڭ اراسىندا قىلمىس جاساعاندار بار، ونى جوققا شىعارمايمىن! بىراق، ولاردىڭ جازاسىن پوليتسيا بەرمەۋ كەرەك! كونستيتۋتسياسى بار قۇقىقتىق مەملەكەتتە جازانى سوت تاعايىندايدى!
بۇگىن حالىقتى ۇتىكپەن كۇيدىرىپ ازاپتاساڭ، ەرتەڭ پوليتسيانى دا سولاي جازالايتىنىن ۇمىتپايىق!
شىنتۋايتىندا، الاڭعا شىققانداردى ەمەس، الاڭعا ايداپ ساپ ايداقتاعانداردى جازالاۋ كەرەك ءبىرىنشى!
ەلدەگى توڭكەرىستى ۇلتىمىزدىڭ قاۋىپسىزدىگىن قورعاۋى ءتيىس توراعا جاسادى!
مىقتى بولساڭدار، ەڭ ءبىرىنشى حالىقتى وسى جاعدايعا جەتكىزگەن ماسىموۆكە ۇتىك باسىڭدار!
مەملەكەتكە وپاسىزدىق جاساعانى ءۇشىن ءتىسىن بىرتىندەپ جۇلىپ، ءتىلىن كەسىڭدەر!
ال كىناسىز قارا حالىقتى جايىنا قالدىرىڭدار!
ازاپتاپ مويىنداتۋدى دوعارىڭدار!
حالىق وتىز جىل بويى بيلىكتىڭ ايتقانىنا كوندى، دەگەنىمەن ءجۇردى!
ەندى كەپ ەلدىڭ تىنىشىن ويلاپ، سول جۇيەگە باعىنعانى ءۇشىن، ءۇنسىز كەلگەنى ءۇشىن حالىق كىنالى بولدى ما؟
ءبىز حالىقتى ازاپتاۋ ارقىلى جاڭا قازاقستاندى قۇرا المايمىز، ەرلان تۇرعىمباەۆ مىرزا!
بىلسەڭىز، قاسىموۆتىڭ اتى تاريحتا جاڭاوزەندىكتەرگە وق اتۋعا بۇيرىق بەرگەن قاندى قول مينيستر رەتىندە قالدى.
“قاندى قاڭتاردا” حالىقتى ازاپتاپ قورلاعان مينيستر دەپ تاريحقا اتىڭىز قالماسىن؟!
كومەك سۇراعان ۆيدەولارعا سەنبەيىن دەسەڭ، ادامداردى ازاپتاعان سۋرەتتەر مەن بەينەماتەريالدار - تايعا تاڭبا باسقانداي ايقايلاپ كورىنىپ تۇر!
نەتكەن قاتىگەزدىك؟! نەتكەن زاڭسىزدىق بۇل؟!
حالىق پوليتسيانى - قورعاۋشى ەمەس، قورلاۋشى قىلمىسكەر دەپ قورقا، ۇركە قاراۋدى شىعاردى! حالىقتىڭ قاھارى مەن كوز جاسىنان قورقۋ كەرەك! بۇنىڭ سوڭى جاقسىلىققا اپارمايدى مينيستر مىرزا!
مىنا زاڭسىز ارەكەتتەردى دەر كەزىندە توقتاتىڭىز! بۇلاي جالعاسا بەرسە ءسىز حالىقتى پرەزيدەنتكە قارسى قويىپ الاسىز!
ايگۇل ورىنبەك
Abai.kz
