تاياۋدا قر پرەمەر-ءمينيسترىنىڭ ءبىرىنشى ورىنباسارى رومان سكليار مەملەكەتتىك تەلەارناعا سۇحبات بەرىپ، ۋتيليزاتسيالىق الىم قۇنى 50 پايىزعا تومەندەتىلگەنىن مالىمدەگەن بولاتىن. سونىمەن ماسەلە شەشىلگەندەي بولعان. 

الايدا بەلسەندىلەر ۋتيلالىم مولشەرى ءالى دە تومەندەۋى ءتيىس دەپ سانايدى. وعان قوسا ۆيتسە-پرەمەر رومان سكلياردىڭ «وتستاۆكاعا» كەتۋىن تالاپ ەتكەن پەتيتسيا دا جاريالاندى. پەتيتسياعا قول قويۋشى ازاماتتار:

«ۋتيليزاتسيالىق الىمنىڭ كەسىرىنەن ازىق-تۇلىك باعاسىنىڭ قىمباتتاۋىنا ءارى حالىقتىڭ نارازىلىعىنا قاراماستان ۆيتسە-پرەمەر رومان سكليار اۋىلشارۋاشىلىق تەحنيكاسىنا سالىناتىن سالىقتى الىپ تاستاۋعا ءۇزىلدى-كەسىلدى قارسى. رومان سكليارعا حالىقتىڭ مۇددەسىنەن گورى بىرنەشە كومپانيانىڭ مۇددەسى ماڭىزدى بولىپ تۇر. بۇلاي بولمايدى»، - دەپ جازدى.

بۇگىن ۋتيلالىم ماسەلەسىنە بايلانىستى قوعام سىنىنا ۇشىراعان پرەمەر-ءمينيستردىڭ ءبىرىنشى ورىنباسارى رومان سكليار وزىنە قاتىستى سىن مەن «وستاۆكاسى» جونىندە پىكىر ءبىلدىرىپتى. «ەگەر مەن قاتەلىك جىبەرسەم، ەلدىڭ الدىندا جاۋاپ بەرەمىن!», - دەيدى ۆيتسە-پرەمەر-مينيستر.

«حالىقتىڭ الدىندا اشىق جۇمىس ىستەپ جاتىرمىن. ەگەر قاتە جاساسام، جاۋاپ بەرەمىن. بىراق، بۇگىندە ءبىز نە ونەراكاسىبى بار، نە ونەركاسىبى جوق ەل بولامىز. مەنىڭ سول ءۇشىن جانىم اۋىرادى. ەرتەڭ تەك مۇنايمەن كۇن كورە المايمىز. سوندىقتان، سىزدەردى وسى ماسەلەگە تەرەڭ قاراۋعا شاقىرامىن. بارشا قابىلدانعان شەشىمدەر ءۇشىن جاۋاپكەرشىلىكتى ءوز موينىما الامىن»، - دەيدى رومان سكليار.

Abai.kz