بەيسەنبى, 18 تامىز 2022
ءبىر ساۋال 3375 101 پىكىر 18 ناۋرىز, 2022 ساعات 14:37

نازارباەۆ الماعان نوبەل زەلەنسكيگە بۇيىرا ما؟

ۋكراينا پرەزيدەنتى ۆلاديمير زەلەنسكيدى نوبەلدىڭ بەيبىتشىلىك سىيلىعىنا ۇسىنىپتى. ەۋروپا ساياساتشىلارى نوبەل كوميتەتىنە ارنايى حات جولداپ، ۇسىنىس جاساپتى.

«ۋكراينانىڭ ەرجۇرەك ازاماتتارى، ەرلەرى مەن ايەلدەرى وزدەرىن-وزدەرى باسقارۋ قۇقىعى مەن دەموكراتيا ءۇشىن كۇرەسىپ جاتىر. دەموكراتيالىق جولمەن سايلانعان پرەزيدەنت ۆلاديمير زەلەنسكيدەن باستاپ، كوزىنە جاس الىپ تۇرىپ، ءوز وتانىن قورعاۋ ءۇشىن وتباسىمەن قوشتاسىپ بارا جاتقان ءاربىر ازاماتقا دەيىن ۋكراينانىڭ بارشا ازاماتتارى اۆتوريتاريزم كۇشىمەن كۇرەسۋدە. ءبىزدىڭ سوزبەن قولداۋلارىمىز بەن كوڭىل ايتۋلارىمىز ولاردىڭ ادام قۇقىعى مەن بەيبىتشىلىك جولىندا جاساپ جاتقان قۇرباندىقتارىنىڭ ورنىن تولتىرا المايدى»، - دەلىنگەن رەسمي حاتتا.

نەگىزى نوبەل سىيلىعىنا ۇمىتكەرلەردى قابىلداۋ مەرزىمى 1 اقپاندا اياقتالۋى ءتيىس بولعان. الايدا، ەۋروپا ساياساتشىلارى زەلەنسكيدىڭ كانديداتۋراسىن ۇسىنۋ ءۇشىن ءوتىنىم قابىلداۋ مەرزىمىن 31 ناۋرىزعا دەيىن سوزۋدى سۇراعان.

«بۇل پروتسەدۋرالاردى بۇزۋ ەكەنىن جاقسى تۇسىنەمىز، بىراق بۇل ەرەجە بۇزۋشىلىقتى قازىرگى ورىن الىپ وتىرعان جاعدايمەن اقتاپ الۋعا بولادى. دەموكراتيا مەن ءوزىن-ءوزى باسقارۋ قۇقى ءۇشىن كۇرەسىپ جاتقان حالىقتى قولداپ، اۆتوريتاريزمگە قارسى تۇرۋ – ءبىزدىڭ دەموكراتيالىق مىندەتىمىز»، - دەپتى حات يەلەرى.

ايتا كەتەيىك، نوبەلدىڭ بەيبىتشىلىك سىيلىعىن سوڭعى 30 جىلدا مەملەكەت باسشىلارىنان كىمدەر الدى؟ قاراڭىز:

1990 جىل – ميحايل گورباچەۆ (كسرو پرەزيدەنتى),

1991 جىل – اۋن سان سۋ چجي  (ميانما كوسەمى),

1993 جىل – نەلسون ماندەلا (وڭتۇستىك افريكا رەسپۋبليكاسىنىڭ 1-ءشى پرەزيدەنتى),

1993 جىل – فرەدەريك دە كلەرك (وڭتۇستىك افريكا رەسپۋبليكاسىنىڭ 7-ءشى پرەزيدەنتى),

1994 جىل – ياسير ارافات (پالەستينا كوسەمى),

1994 جىل – شيمون پەرەس ء(يزرايلدىڭ 9-شى پرەزيدەنتى),

1994 جىل – يتسحاك رابين ء(يزرايلدىڭ 5-ءشى پرەمەرى),

1996 جىل – جوزە رامۋش-ورتا (شىعىس تيموردىڭ 2-ءشى پرەزيدەنتى),

2000 جىل – كيم دە چجۋن (وڭتۇستىك كورەي پرەزيدەنتى),

2001 جىل – كوفي اننان (بۇۇ-نىڭ 7-ءشى باس حاتشىسى),

2002 جىل – جيممي كارتەر (اقش-تىڭ 39-شى پرەزيدەنتى),

2005 جىل – مۇحاممەد ءال بارادەي (مىسىردىڭ 19-شى ۆيتسە-پرەزيدەنتى),

2007 جىل – البەرت گور (اقش-تىڭ 45-ءشى ۆيتسە-پرەزيدەنتى),

2008 جىل – مارتتي احتيسااري (فينليانديانىڭ 10-شى پرەزيدەنتى),

2009 جىل – باراك وباما (اقش-تىڭ 44-ءشى پرەزيدەنتى),

2011 جىل – ەلەن جونسون-سەرليف (ليبەريانىڭ 24-ءشى پرەزيدەنتى),

2016 جىل – حۋان سانتوس (كولۋمبيا پرەزيدەنتى),

2019 جىل – ابي احمەت الي (ەفيوپيا پرەمەرى).

اتامىش سىيلىققا قازاقستاننىڭ ەكس-پرەزيدەنتى نۇرسۇلتان نازارباەۆ تا بىرنەشە مارتە ۇسىنىلعان...

نۇرگەلدى ابدىعانيۇلى

Abai.kz

101 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2759
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2129
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2893