پرەزيدەنت قاسىم-جومارت توقاەۆ الماتى قالاسىنىڭ "استانا" الاڭىندا ءوتىپ جاتقان مەرەكەلىك ءىس-شاراعا قاتىسىپ، بارشا قازاقستاندىقتاردى ۇلىستىڭ ۇلى كۇنىمەن قۇتتىقتادى.

قاسىم-جومارت توقاەۆ قازاقستان حالقىن ۇلىستىڭ ۇلى كۇنىمەن قۇتتىقتاپ، ناۋرىزدىڭ ەجەلدەن جاقسىلىق پەن جاسامپازدىقتى دارىپتەيتىن مەرەكە ەكەنىن اتاپ ءوتتى.

ء"از ناۋرىز – بەرەكە-بىرلىكتىڭ، شىنايى جاناشىرلىقتىڭ جانە ءوزارا قامقورلىقتىڭ مەيرامى. مەن بۇگىن ۇلىس كۇنىن وزدەرىڭىزبەن بىرگە قارسى الۋ ءۇشىن الماتى قالاسىنا ارنايى كەلدىم. الماتى – تاۋەلسىزدىگىمىزدىڭ التىن بەسىگى. حالقىمىزعا قايتا ورالعان ۇلىس تويىن مەرەكەلەۋ وسى قاستەرلى مەكەننەن باستالعان. الماتى – قازاق ەلىنىڭ رۋحاني، مادەني جانە ىسكەرلىك ورتالىعى", – دەدى مەملەكەت باسشىسى.

پرەزيدەنت زيالى قاۋىمنىڭ جانە ونەر، ءبىلىم، عىلىم، بيزنەس سالالارى وكىلدەرىنىڭ الماتى شاھارىندا شوعىرلانعانىنا توقتالىپ، قاڭتار وقيعاسى كەزىندە قالا تۇرعىندارىنىڭ زور قاۋىپ-قاتەرگە توتەپ بەرگەنىنە ەرەكشە ءمان بەردى.

"سىن ساعاتتا تۇرعىندار ناعىز وتانشىلدىقتىڭ ۇلگىسىن كورسەتتى. ءبىز اۋىزبىرشىلىكتىڭ ارقاسىندا مەملەكەتىمىزدى ساقتاپ قالدىق. مەن شاھاردى قالپىنا كەلتىرۋ ءۇشىن قۇزىرلى ورگاندارعا ناقتى تاپسىرمالار بەردىم. الماتىنى وركەندەتۋ جانە جەرگىلىكتى جۇرتتىڭ تۇرمىس ساپاسىن جاقسارتۋ مەنىڭ ايىرىقشا نازارىمدا. قازىر ءبىزدىڭ الدىمىزدا زور مىندەتتەر مەن اۋقىمدى جۇمىستار تۇر. ونى جۇزەگە اسىرۋعا الماتىلىقتار بارىنشا اتسالىسادى دەپ سەنەمىن.

بۇگىن ۇلىس كۇنىن وزدەرىڭىزبەن بىرگە قارسى الۋ ءۇشىن الماتىعا ارنايى كەلىپ وتىرمىن. الماتى - تاۋەلسىزدىگىمىزدىڭ التىن بەسىگى. حالقىمىزعا قايتا ورالعان ۇلىس تويىن مەرەكەلەۋ وسى قاستەرلى مەكەننەن باستالدى. الماتى - قازاق ەلىنىڭ رۋحاني، مادەني جانە ىسكەرلىك ورتالىعى. قاڭتارداعى تەرروريستەر مەن قاسكويلەردىڭ نەگىزگى سوققىسى الماتىعا ءتيىپ، جازىقسىز ادامدار قازا تاپتى. قالا ينفراقۇرىلىمىنا ۇلكەن زالال كەلدى. دەگەنمەن، الماتىلىقتار، قايسارلىق تانىتا ءبىلدى. مەن سىزدەرگە ريزامىن، مەملەكەتتىلىگىمىزدىڭ بۇرىن-سوڭدى بولماعان قاۋىپ-قاتەرى الدىندا دۇرلىكپەدىڭىزدەر الدىمىزدا اۋقىمدى رەفورمالار كۇتىپ تۇر. جاڭا قازاقستاننىڭ قۇرىلىسى باستالادى. ءبىز جاڭا ەلدى، جاڭا قازاقستاندى مىندەتتى تۇردە قۇرامىز جانە ءبىزدىڭ قولىمىزدان ءبارى كەلەدى", - دەدى پرەزيدەنت", – دەدى قاسىم-جومارت توقاەۆ.

مەملەكەت باسشىسى دامۋدىڭ جاڭا كەزەڭىنە قادام باسقانىمىزعا توقتالىپ، ءوزىنىڭ حالىققا جولداۋىندا ايتىلعان كولەمدى رەفورمالار ەلىمىزدى تۇبەگەيلى جاڭعىرتۋعا باعىتتالعانىن اتاپ ءوتتى.

پرەزيدەنت بۇگىنگى مەرەكەلىك كۇننىڭ جاڭا وزگەرىستەرگە باستاۋىنا، تۇعىرى مىعىم، بىرلىگى بەكەم ەلىمىزدىڭ جاساي بەرۋىنە تىلەكتەستىك ءبىلدىردى. قاسىم-جومارت توقاەۆ قۇتتىقتاۋ سوزىنەن كەيىن جينالعان جۇرتشىلىقپەن بىرگە مەرەكەلىك كونتسەرتتى تاماشالادى.

Abai.kz