بەيسەنبى, 18 تامىز 2022
ارىلۋ 2350 24 پىكىر 12 ءساۋىر, 2022 ساعات 11:21

پەتيتسيا: پەتروپاۆل قاشان قىزىلجار بولادى؟

Egov.press سايتىنا «قازاقستان حالقى پەتروپاۆل قالاسىنىڭ اتىن وزگەرتۋدى تالاپ ەتەدى» دەگەن پەتيتسيا جاريالانعان بولاتىن. اقپاننىڭ جەتىسىندە سايتقا سالىنعان پەتيتسيانىڭ ماقساتى 100 مىڭنان اسا قول جيناۋ جانە اتالعان ماسەلەنى قر پرەزيدەنتىنىڭ قاراۋىنا جىبەرۋ.

پەتيتسيانىڭ مازمۇنى مىناداي:

«قازاقستان حالقى پەتروپاۆل قالاسىنىڭ اتاۋىن وزگەرتۋدى تالاپ ەتەدى. ءبىز، قازاقستاننىڭ تاعدىرىنا بەي-جاي قاراي المايتىن حالىق، قازاقستان رەسپۋبليكاسىنىڭ بارلىق قالاسىنىڭ قازاقشا اتالعانىن تالاپ ەتەمىز. ءوزىڭىزدى ەلدىڭ پاتريوتىمىن دەسەڭىز پەتيتسياعا قول قويىڭىز. جاڭالىق تاراتاتىن جەرلەرگە وسى پەتيتسيا تۋرالى ايتىڭىزدار. تەك سولاي عانا ءبىز قوعامدىق رەزونانس تۋعىزىپ، وسى ماسەلەگە بيلىكتىڭ نازارىن اۋدارا الامىز»، - دەيدى.

بۇگىندە بارلىعى 40 مىڭنان اسا قول جينالىپتى. قول قويۋشىلاردىڭ 26 مىڭعا جۋىعى اتالعان باستامانى قولدايتىندىقتارىن بىلدىرسە، تاعى 14 مىڭنان استامى قارسى داۋىس بەرگەن ەكەن.

ورىستىڭ قوس اۋليەسى پەتر مەن پاۆلدىڭ اتىن العان سولتۇستىكتەگى قازاق قالاسىنىڭ قىزىلجار دەگەن تاريحي اتاۋى بار. قازاقستان تاۋەلسىزدىك العانىنا وتىز جالدان اسسا دا وتارلىقتىڭ بەلگىسىندەي بولعان پەتروپاۆل اتاۋى ءالى وزگەرمەدى. بۇل تۋرالى Abai.kz سايتىندا جىل سايىن جازىپ كەلەمىز. ماسەلەنىڭ كوتەرىلىپ كەلە جاتقانىنا 10 جىلدان اسىپ كەتتى. اتا زاڭىمىزعا قايشى ەكەنى دە ايتىلدى. ەلىمىزدىڭ سولتۇستىك قالالارىنىڭ اتاۋى رەسەيدىڭ كەيبىر شوۆينيست، پروپوگانداشىلارىنىڭ «ءوزىمسىنىپ» سويلەۋىنە جاقسى سەبەپ بولدى. تالاي دالەل-دايەك كەلتىرىلسە دە، جازىلىپ-ايتىلسا دا ەجەلگى قالا ءوز اتىن الا الماي كەلەدى.

پەتروپاۆلدى قازاق بۇرىننان-اق، «قىزىلجار» دەپ اتاعان. بۇل تاريحي تۇرعىدان دالەلدەنگەن فاكتىلەر. تالاس جوق. الايدا، قالاعا تاريحي اتاۋىن قايتارۋ وڭاي شارۋا بولماي تۇر. قالا اتى تۇگىل، كىشىگىرىم كوشە اتاۋىن اۋىستىرۋ ءۇشىن دە اركىمنىڭ قاس-قاباعىنا قارايلاپ جۇرەتىن قازاق بيلىگى بۇل ماسەلەدە مۇلدە جالتاقويلىق تانىتىپ وتىر.

ال بىلتىر سولتۇستىك قازاقستان وبلىسىنىڭ اكىمى قۇمار اقساقالوۆتىڭ ءوزى: «بۇل ماسەلە ءالى كۇن تارتىبىندە تۇرعان جوق، تەك ءار جەردە تالقىلانىپ جاتقان تاقىرىپ. مەن كوپشىلىكتىڭ ۇستانىمىن قولدايمىن. كوشەنىڭ اتىن وزگەرتۋدى ءبىر ادام شەشپەيدى، ونى قوعام شەشەدى»، - دەگەن ەدى.

ەندى سول قوعامنىڭ سەرگەك سانالى ازاماتتارى ارنايى پەتيتسيا جاريالاپ، پەتروپاۆل اتاۋىن وزگەرتۋدى سۇراپ وتىر. الاداي، بۇل جولى دا اتالعان باستاماعا قارسى شىعۋشىلار تابىلىپ جاتىر ەكەن.  ال ءبىزدىڭ پىكىر انىق! ورىس اپوستولدارىنىڭ اتىنداعى قالاعا قىزىلجار اتاۋىن قايتارۋ تاريحي ادىلدىك!

ايجان تەمىرحان

Abai.kz

24 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2759
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2127
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2893