قازاقستاننىڭ تاۋ-كەن ونەركاسىبى، وڭدەۋ ونەركاسىبى جانە قىزمەت كورسەتۋ سالالارىنداعى بىرقاتار كاسىپورىندار مەملەكەت مەنشىگىنە ءوتتى. بۇل تۋرالى قر ۇكىمەتى قابىلداعان رەسپۋبليكالىق مەنشىكتىڭ كەيبىر ماسەلەلەرى تۋرالى قاۋلىدا بەلگىلى بولدى، دەپ حابارلايدى 7kun.kz.

«تەمىر تريۋمف» جشس-ءنىڭ سىيعا تارتۋ شارتى بويىنشا «كولىككە قىزمەت كورسەتۋ ورتالىعى» (تستس) اكتسيونەرلىك قوعامىنداعى 100% قاتىسۋ ۇلەسىن رەسپۋبليكالىق مەنشىككە بەرۋ تۋرالى ۇسىنىسى قابىلدانسىن»، - دەلىنگەن ۇكىمەت سايتىندا جاريالانعان قاۋلى ماتىنىندە.

«كتس» اق قازاقستانداعى 400-دەن استام تەمىرجول تراسساسىنىڭ بالانس ۇستاۋشىسى بولىپ تابىلادى. سونداي-اق، سىيعا تارتۋ شارتى بويىنشا «Integrity Solutions» جشس ينفوكوممۋنيكاتسيا سالاسىندا جۇمىس ىستەيتىن «Soft Art» جشس جارعىلىق كاپيتالىنداعى 50% ۇلەسى رەسپۋبليكالىق مەنشىككە بەرىلگەن.

«Bridge capital Investments limited» جەكە كاسىپورنى تاۋ-كەن جانە وڭدەۋ ونەركاسىبىندە جۇمىس ىستەيتىن «اكموليت» جشس، «مارحيت» جشس، «توپاز-نس» جشس جارعىلىق كاپيتالىنداعى 100% ۇلەسىن مەملەكەتكە بەرەدى.

«CFTS» اق اكتسيالارى جانە وسى سەرىكتەستىكتەردىڭ جارعىلىق كاپيتالىنداعى قاتىسۋ ۇلەستەرى «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىنىڭ ورنالاستىرىلعان اكتسيالارى ءۇشىن تولەم رەتىندە اۋدارىلادى»، - دەلىنگەن قاۋلىدا.

Abai.kz