جەكسەنبى, 2 قازان 2022
ەكونوميكا 9645 1 پىكىر 26 ءساۋىر, 2022 ساعات 16:19

«سامۇرىق-قازىنا» كومپانيالار قىزمەتىنىڭ اشىقتىعىن ارتتىرۋعا كىرىسپەك

بۇگىن «سامۇرىق-قازىنا» اق باسقارما توراعاسى الماسادام ساتقاليەۆ پەن قازاقستان رەسپۋبليكاسى قارجىلىق مونيتورينگ اگەنتتىگىنىڭ توراعاسى جانات ەليمانوۆ قور مەن اگەنتتىك اراسىنداعى ىنتىماقتاستىق تۋرالى مەموراندۋمعا قول قويدى.

تاراپتار قور مەن ونىڭ پورتفەلدىك كومپانيالارى قىزمەتىنىڭ اشىقتىعىن ارتتىرۋ، سونداي-اق قور كومپانيالارى جۇمىس ىستەيتىن سالالارداعى ەكونوميكالىق جانە قارجىلىق قۇقىق بۇزۋشىلىقتاردىڭ الدىن الۋ ماقساتىندا اقپارات الماسۋعا نيەتتى.

بۇل مۇناي-گاز، ەنەرگەتيكا، تاۋ-كەن ونەركاسىبى، كولىك جانە تەلەكوممۋنيكاتسيا سالالارىن قامتيدى. مەموراندۋم سونداي-اق اگەنتتىك پەن قور توبىنىڭ ۇيىمدارى اراسىنداعى ساتىپ الۋ سالاسىنداعى ىنتىماقتاستىقتى قاراستىرادى.

مەموراندۋم شەڭبەرىندە اگەنتتىك تاراپى قورعا كۆازيمەملەكەتتىك سەكتورداعى قۇقىق بۇزۋشىلىقتار تۋرالى جانە قىلمىستىق جولمەن الىنعان كىرىستەردى زاڭداستىرۋ فاكتىلەرى جونىندە اقپارات بەرۋگە; انىقتالعان زيان كەلتىرۋ تاۋەكەلدەرى تۋرالى اقپاراتتى قورعا ۋاقتىلى جىبەرۋگە; قورعا ەكونوميكالىق جانە قارجىلىق قۇقىق بۇزۋشىلىققا قارسى ءىس-قيمىل بويىنشا ادىستەمەلىك جانە كونسۋلتاتسيالىق كومەك كورسەتۋگە; كومپلاەنس، ىشكى اۋديت جانە تاۋەكەلدەردى باسقارۋ فۋنكتسيالارىن كۇشەيتۋ ءۇشىن بىرلەسىپ جۇمىس ىستەۋگە نيەتتى.

قور ءوز كەزەگىندە قىلمىسپەن كۇرەس جونىندەگى باستامالار مەن ءىس-شارالارعا بەلسەندى تۇردە قاتىسادى; قور توبىندا انىقتالعان ەكونوميكالىق جانە قارجىلىق قۇقىق بۇزۋشىلىقتار تۋرالى اگەنتتىككە حابارلايدى; اگەنتتىكتەن ءتيىستى اقپارات العان جاعدايدا قور توبىنا كىرەتىن ۇيىمداردا تەكسەرۋلەر جۇرگىزەدى; قازاقستان رەسپۋبليكاسىنىڭ ەكونوميكالىق جانە قارجىلىق قۇقىق بۇزۋشىلىقتارعا قارسى ءىس-قيمىل تۋرالى زاڭناماسىن جەتىلدىرۋ بويىنشا ۇسىنىستار ەنگىزەدى.

مەموراندۋم ۇزاق مەرزىمگە جاسالدى جانە قول قويىلعان كۇننەن باستاپ كۇشىنە ەنەدى.

1 پىكىر