ونىڭ ايتۋىنشا، قازاقستاندا COVID-19-عا قارسى ءتورت ميلليوننان استام ۆاكتسينا بار، ول "ۆاكتسيناتسيا مەن رەۆاكتسيناتسياعا جەتەدى". سول سەبەپتى "قوسىمشا ۆاكتسينا شىعارىلمايدى، ساتى الىنبايدى", دەپ مالىمدەدى باس سانيتار دارىگەر.

"“سپۋتنيك V” ۆاكتسيناسىن ساتىپ الۋ جوسپاردا جوق. قاراعاندى فارمكومبيناتى ۆاكتسينا شىعارعانعا دەيىن جاساعان دارىلەرىن جاساي بەرەدى", — دەدى ەسماعامبەتوۆا.

قازاقستان رەسەلىك "سپۋتنيك V" ۆاكتسيناسىن حالىققا سالدىرۋ ناۋقانىن 2021 جىلعى اقپاندا باستادى. سول كەزدە ۆاكتسينانىڭ بۇل ءتۇرى قازاقستاندا رەسمي تىركەلمەگەن ەدى.

قازاقستان "سپۋتنيك V" ۆاكتسيناسىن قاراعاندى فارمزاۋىت بازاسىندا ءوندىردى. ونىڭ قوجايىندارىنىڭ ءبىرى - قايرات بورانباەۆ، ەكس-پرەزيدەنت نۇرسۇلتان نازارباەۆتىڭ ۇلكەن قىزى داريعا نازارباەۆانىڭ بۇرىنعى قۇداسى.

17 ناۋرىزدا قارجى پوليتسياسى قايرات بورانباەۆتى "كۆازيمەملەكەتتىك سەكتوردا اسا ءىرى كولەمدە اقشا جىمقىردى" دەگەن كۇدىكپەن ۇستاعانىن حابارلادى.

سودان كەيىن عانا قازاقستان Pfizer كومپانياسى ۆاكتسينالارىن ازاماتتارعا جاپپاي ەگە باستادى. بيلىك بۇل جاعدايدىڭ بورانباەۆتىڭ قاماۋعا تۇسۋىنە ەشقانداي قاتىسى جوق دەپ وتىر.

Abai.kz