ەكس-پرەزيدەنت نۇرسۇلتان نازارباەۆتىڭ نەمەرە ءىنىسى قايرات ساتىبالدىعا تيەسىلى «كولىككە قىزمەت كورسەتۋ ورتالىعى» اق 630-عا جۋىق تەمىرجول جەلىسى تارتىپ الىنادى، - دەپ جازادى orda.kz. 

«قازاقستان تەمىر جولى» ۇك» اق-نىڭ ءوتىنىشحاتى نەگىزىندە باس پروكۋرور سوتتاردىڭ شەشىمدەرىنە، ونىڭ ىشىندە بۇرىن «قازاقستان تەمىر جولى» ۇك» اق-عا تيەسىلى بولعان 629 جولدى «تستس» اق بالانسىنا بەرۋ تۋرالى شاعىم ءتۇسىردى» دەدى پرەمەر-مينيستر ءاليحان سمايىلوۆ.

ول جۇمىس توبى 219 ستانسادا جانە 83 تابيعي مونوپوليا سۋبەكتىسىندە 579 كىرمە جولدى تالداپ، تەكسەرگەنىن ايتتى. ناتيجەسىندە كىرمە جولداردى پايدالانۋ قاۋىپسىزدىگىن قامتاماسىز ەتۋ اياسىندا جوندەۋ جۇمىستارىنىڭ بارلىق تۇرلەرىنىڭ جوقتىعى انىقتالدى.

«كىرەبەرىس جولداردى كۇتىپ ۇستاۋ بويىنشا قۇجاتتامالىق تەكسەرۋ جۇرگىزىلدى. وسىلايشا، قازاقستان رەسپۋبليكاسىنداعى كىرمە جولداردىڭ جالپى سانى 3658 بىرلىكتى قۇرايدى. ونىڭ ىشىندە 2678 بىرلىك باسقا ۇيىمدارعا كىرمە جولداردى ۇسىنۋ بويىنشا قىزمەت كورسەتپەيدى» دەپ ءتۇسىندىردى سمايىلوۆ.

بۇعان دەيىن CFTS اكتسيالارى مەملەكەت مەنشىگىنە ساتىبالدىمەن بايلانىسى بار ءباا-دەن Bridge capital Invests limited وففشورلىق كومپانياسىنا تيەسىلى «تەمير تريۋمف» جشس-نەن وتكەن بولاتىن.

ەسكە سالساق، اقپاندا ۇلتتىق ەكونوميكا مينيسترلىگى مەن قر يندۋستريا جانە ينفراقۇرىلىمدىق دامۋ مينيسترلىگىنىڭ ارەكەتسىزدىگى فاكتىسى بويىنشا قىلمىستىق ءىس قوزعالعان.

دەپۋتاتتار ءماجىلىس وتىرىسى كەزىندە «سوڭعى كيلومەتر» دەپ اتالاتىن پروبلەماعا قاتىستى ماسەلە كوتەردى. اتاپ ايتساق، تاسىمالداۋشىلار وسى ۋچاسكەنىڭ يەلەرىنە تەمىر جولدىڭ سوڭعى ۋچاسكەسى ارقىلى وتكەنى ءۇشىن بۇرىن ءجۇرىپ وتكەن بارلىق قاشىقتىق ءۇشىن تولەگەننەن الدەقايدا كوپ اقشا تولەۋگە ءماجبۇر بولدعان. دەپۋتاتتار ول تۇپكىلىكتى ءونىم قۇنىنىڭ ايتارلىقتاي وسۋىنە اكەلدى دەپ ءتۇسىندىردى.

ەسكە سالساق، 13 ناۋرىزدا قازاقستاننىڭ ەكس-پرەزيدەنتى نۇرسۇلتان نازارباەۆتىڭ نەمەرە ءىنىسى قايرات ساتىبالدىنىڭ قىزمەتتىك وكىلەتتىگىن اسىرا پايدالانۋ جانە «قازاقتەلەكوم» اق قارجىسىن جىمقىرۋ فاكتىلەرى بويىنشا الماتىدا ۇستالىپ، ۋاقىتشا ۇستاۋ يزولياتورىنا قاماۋعا الىنعان. ساتىبالدىنىڭ مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىستىلىعى دا قازىر تەكسەرىلىپ جاتىر.

Abai.kz