بۇگىندەرى ءبىزدىڭ قوستاناي «جەڭىس شەرۋىن» تويلاۋدا تالايلاردى شاڭ قاپتىرىپ كەتتى.

9 مامىرداعى قالا ورتالىعىنان باستالىپ، سوناۋ «جەڭىس» پاركىنە دەيىن جالعاسقان «بەسسمەرتنىي پولكتى»، («ولمەيتىن، جوعالمايتىن، وشپەيتىن، جاۋجۇرەك تە ماڭگىلىك» دەپ ماقتاۋعا ءسوز تاپپايتىن) رەسەيدىڭ ويلاپ تاپقان پولكسىماعىن قايداعى قاڭعىعان بىرەۋ ەمەس، وبلىسىمىزدىڭ ماڭدايىمىزعا بىتكەن جالعىز اكىمىمىز ارحيمەد بەكجانۇلىنىڭ ءوزى باستاپ باردى.

وزگەلەر بۇعىپ قالعاندا جالعىز ءوزى قاسقايىپ بارعان ادامدى جۇرەگىنىڭ تۇگى بار ەكەن دەپ قالاي ماقتانبايمىز، قالاي شاتتانبايمىز. ال مەنىڭ ءوزىمنىڭ توبەم كوككە ءبىر ەلى جەتپەي قالدى. مۇنداي اكىمى جوقتار كورە الماسا تۇز جالاسىن. تۇز، شۇكىر، دۇكەندە ءالى بار عوي.

قىسقاسى، قوستانايلىقتاردىڭ كۇنى كەشەدەن قۋانىشتارى قويىندارىنا سيماي ءجۇر. مەنىڭ دە وسى قۋانىشتان جۇرەگىم جارىلىپ كەتە جازداپ، سىزدەرمەن ءبولىسىپ وتىرمىن.

جايبەرگەن بولاتوۆ

Abai.kz