بۇۇ-نىڭ ادام قۇقىقتارى جونىندەگى جوعارعى كوميسسارى ميشەل باچەلەت رەسەي اسكەرى ۋكراينانىڭ كيەۆ وبلىسىنان كەتكەن سوڭ مۇندا مىڭداعان ءمايىت تابىلعانىن، بۇل جاعدايدى اسكەري قىلمىسقا جاتقىزۋعا بولاتىنىن مالىمدەدى. "كيەۆتىڭ سولتۇستىگىندەگى اۋدانداردىڭ تۇرعىندارىن جاپپاي قىرعانىن قوسا ەسەپتەسەك، قىرىنعا ۇشىراعان ايماقتار كوپ ەكەنى شوشىتادى", - دەدى باچەلەت كەڭەستە داۋىس بەرۋ قارساڭىندا جاساعان بايانداماسىندا.
كەڭەستە رەسەي اسكەرىنىڭ كيەۆ وبلىسىنداعى ەلدى مەكەندەر مەن قالالاردى باسىپ العاندا بولعان وقيعالاردى حالىقارالىق تەرگەۋ ماسەلەسى تالقىلاندى.
كيەۆ وبلىسى رەسەي باسقىنشىلارىنان ازات ەتىلگەن سوڭ، 2 ساۋىردە قالالار مەن اۋىلداردا بەيبىت تۇرعىنداردىڭ ءمايىتى كوپتەپ تابىلا باستادى. استانا تۇبىندەگى بۋچا قالاسىندا كەم دەگەندە 400 ادامدى ولتىرگەنى انىقتالدى.
ماسكەۋ ۋكراينادا بەيبىت تۇرعىنداردى جاپپاي قىرعان دەگەندى جوققا شىعارىپ وتىر.
الايدا رەسەي اسكەريلەرىنىڭ بەيبىت تۇرعىنداردى جاپپاي قىرعانى قۇجاتتار مەن كۋاگەر سوزىمەن عانا ەمەس، سپۋتنيكتەن تۇسىرىلگەن سۋرەتتەرمەن جانە بەينەباقىلاۋ كامەرالارىمەن دە راستالىپ وتىر.
Abai.kz
