قۇلاپ بارامىز. بۇل جىل وڭاي سوقپايىن دەپ تۇر.

قازاقستانداعى قاندى قاڭتار، ودان سوڭ رەسەيدىڭ ۋكراينامەن سوعىسى.

بۇل كەساپاتتار ازداي، مەن وتكەن جىلدان بەرى قاقساپ جۇرگەن تاعى ءبىر ۇلكەن قاۋىپ بار. بۇل ورتالىق بانكتەردىڭ اقشا باسىپ شىعارۋمەن تىم اۋەستەنىپ كەتۋىنەن تۋىنداپ وتىرعان اقش پەن الەمدەگى رەكوردتىق ينفلياتسيا. ينفلياتسيا سوڭعى 40 جىلداعى رەكوردتىق دەڭگەيىنە جەتتى. بۇل اقش-تىڭ فرج-ءنىڭ قارسى ارەكەتىنە اكەلىپ سوقپاۋى مۇمكىن ەمەس ەدى، ياعني ول پايىزدىق مولشەرلەمەنى كوتەرۋ تسيكلىن زاڭدى تۇردە باستادى، وسىلايشا ەكونوميكادان اقشا سورىپ وتىر. سونىمەن قاتار، فرج ءوز كەستەسىنەن وزىپ كەلەدى. مۇنىڭ ءبارى ءسوزسىز نارىقتاردى قۇلدىراتادى، قازىردىڭ وزىندە قۇلدىراتىپ جاتىر.

مەن NFT نارىعى مەن كريپتو نارىعى فرج ساياساتىنىڭ كۇشەيۋىن ءبىرىنشى بولىپ سەزىنەتىنىن بىرنەشە رەت ايتتىم. سونىمەن قاتار، اكتسيالار، ەڭ الدىمەن تەحنولوگيالىق كومپانيالاردىڭ اكتسيالارى قۇلدىرايدى دەپ بولجاعان ەدىم. سونداي-اق داعدارىس الدىندا اقىلدى اقشا قور نارىعىنان قاشىپ، شيكىزات نارىقتارىندا تۇراقتاي باستايتىنىن ايتتىم. شيكىزات تاۋارلارىنىڭ باعاسى كۇرت وسەدى. وكىنىشكە وراي، سول كەزدە مەنى كوبى پانيكەر سانادى. بىراق قازىر مەن ۇنەمى ەسكەرتىپ كەلگەن نارسەلەر ورىن الىپ جاتقانىنا ءبارى كۋا.

NFT نارىعى 92%-عا قۇلدىرادى. اكتيۆ شوتتار سانى 88%-عا قىسقاردى.

بارلىق كريپتوۆاليۋتالار قۇلاپ جاتىر. وتكەن جىلدىڭ قاراشا ايىنان باستاپ ءبىر بيتكون 68 915 دوللاردان 27 846 دوللارعا دەيىن، ياعني 60%-عا تومەندەدى.

Nasdaq نارىعى جىل باسىنان بەرى 16 652-دەن 12008 پۋنكتكە دەيىن تومەندەدى، ياعني شامامەن 28%-عا قۇلدىرادى. مىسالى، الي بابانىڭ اكتسيالارى 75%-عا، تەسلا اكتسيالارى 40%-عا، Netflix اكتسيالارى 76%-عا، Twitter اكتسيالارى 42%-عا تومەندەدى.

سونىمەن بىرگە بيداي 50%-دان اسا، جۇگەرى 54%، سويا 35%-عا ءوستى. داعدارىستىڭ ۇدەۋىنە قاراي مەن شيكىزات نارىقتارىنىڭ دا قۇلدىراۋىن بولجاپ وتىرمىن.

مەنىڭ ءالى تولىق راستالماعان جالعىز بولجامىم - رۋبل مەن تەڭگەنىڭ قۇنسىزدانۋى. بىراق، مەنىڭ ويىمشا، قازىر رۋبل مەن تەڭگە باعامى شىندىققا ساي ەمەس. ولاردىڭ باعامى ۆاليۋتاعا سۇرانىستى جانە ەكسپورتتاۋشىلاردىڭ ءوز ۆاليۋتالىق ءتۇسىمىن ساتۋ مىندەتتەمەلەرىن شەكتەۋ ەسەبىنەن جاساندى تۇردە ساقتالىپ وتىر. جىل سوڭىنا دەيىن رۋبل دە، تەڭگە دە ءتۇبى دەۆالۆاتسياعا ۇشىرايتىنى انىق.

مەن بۇرىن-سوڭدى بولجام، جورامال جاساۋمەن اينالىسقان ەمەسپىن. مەنىڭشە، بۇل قايىرىمى جوق ءىس. بىراق بۇل جولى وتكەن جىل مەن وسى جىلدىڭ باسىنداعى جاعدايلار الەمدىك ەكونوميكادا ۇلكەن تەڭگەرىمسىزدىك ارتىپ كەلە جاتقانىن انىق كورسەتىپ تۇر. مۇنداي تەڭگەرىمسىزدىكتەر ۇنەمى داعدارىسپەن اياقتالادى.

كوبى مەنەن “نە ىستەۋ كەرەك؟ قاشان ساتىپ الۋ كەرەك نەمەسە قازىر ساتۋ كەرەك پە؟” دەپ سۇرايدى.

وسى سۇراقتارعا جاۋاپ بەرۋ ءۇشىن ناۋرىز ايىنىڭ سوڭىندا، ءساۋىردىڭ باسىندا مەن داعدارىسقا قارسى بۋتكەمپ وتكىزدىم. وندا مەن بارلىق سۇراقتارعا جاۋاپ بەردىم. ەگەر سىزگە قىزىق بولسا، مەنىڭ پلاتفورماما ءوتىپ، بۋتكەمپ ماتەريالدارىمەن تانىس بولىڭىز.

مەنىڭ جالپى ۇسىنىسىم:

1. داعدارىس 5 كەزەڭنەن تۇرادى. پايدا بولۋ، دامۋ، ۇدەۋ، باياۋلاۋ جانە ءتۇبى.
2. ءبىز قازىر دامۋ ساتىسىندا تۇرمىز. كەلەسى كەزەڭ - ۇدەۋ.
3. داعدارىستىڭ العاشقى ءۇش كەزەڭىندە مەن ينۆەستيتسيا سالماۋعا، ەشتەڭە ساتىپ الماۋعا كەڭەس بەرەمىن. بۇل كەزەڭدەردەگى باستى ماقسات - اقشانى ۇنەمدەۋ جانە ءومىر ءسۇرۋ دەڭگەيىن ساقتاپ قالۋ.
4. ينۆەستيتسيا جاساۋعا ۇسىنىلاتىن كەزەڭدەر - باۋلاۋ جانە ءتۇبى.

ەگەر ءسىز ينۆەستيتسيالاۋ ءىسىن جاقسى مەڭگەرىپ، ونىڭ ناقتى قادامدارىن بىلگىڭىز كەلسە، نارىقتاردىڭ ءمان-جايىن ۇعىنىپ، داعدارىس كەزىندەگى ءتيىمدى ارەكەتتەردى ۇيرەنگىڭىز كەلسە، 21-25 مامىر ارالىعىندا ىستانبۇلدا وتەتىن ينۆەست بۋتكەمپكە قاتىسۋدى ۇسىنامىن. 5 كۇن ىشىندە سىزگە باسقا جەردە ۇيرەتپەيتىن نارسەلەردى ۇيرەتەمىز.

ءسىز بۇل داعدارىستى زور دايىندىقپەن قارسى الىپ، ونى مۇمكىندىك رەتىندە پايدالاناسىز، نەمەسە سالىڭىز سۋعا كەتىپ، داعدارىس ءسىز ءۇشىن قاۋىپتى دۇنيەگە اينالادى. مەن: “ساتتىلىك - بۇل مۇمكىندىك پەن دايىندىقتىڭ توعىسۋى” دەپ ۇنەمى ايتامىن. بۇل داعدارىستىڭ ءسىز ءۇشىن قانداي بولارىن ءوزىڭىز شەشەسىز.

داعدارىسقا دايىن بولۋ ءۇشىن نە ىستەدىڭىز؟

مارعۇلان سەيسەمباي

Abai.kz