2022 جىلعى 1 مامىرداعى جاعداي بويىنشا زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن ەسكەرە وتىرىپ) 105 193 تەڭگە بولدى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى. 

سونىمەن قاتار، مينيسترلىك 1 مامىرداعى جاعداي بويىنشا قازاقستاندىقتارعا 939,3 ملرد تەڭگەدەن استام سوما زەينەتاقى تولەنگەنىن ايتتى.

2022 جىلعى ساۋىردە رەسپۋبليكالىق بيۋدجەتتەن زەينەتاقى تولەمدەرىنە 234,4 ملرد تەڭگەدەن استام، ونىڭ ىشىندە بازالىق زەينەتاقىنى تولەۋگە – 71,3 ملرد تەڭگە، ىنتىماقتى زەينەتاقىنى تولەۋگە – 163,1 ملرد تەڭگە بولىنگەن.

2022 جىلعى 1 مامىرداعى جاعداي بويىنشا قازاقستانداعى زەينەتكەرلەر سانى 2 ملن 245 مىڭنان اسادى.

Abai.kz