ءماجىلىس دەپۋتاتى ەرلان سايروۆ كەشە «ءبىزدىڭ تاڭداۋ» ساياسي پارتياسىن قۇرعانىن مالىمدەگەن بەلگىلى كاسىپكەر بولات ءابىلوۆتىڭ «وليگارحتاردىڭ مەنشىگىن مەملەكەت ساتىپ الۋى كەرەك» دەگەن ءسوزىن سىنادى.

«وليگارحيا دەموكراتيانىڭ كيىمىن كيىپ، ءوز مۇددەسىن كۇيتتەپ جاتىر. بولات ءابىلوۆ دەگەن ازامات «وليگارحتاردىڭ مەنشىگىن مەملەكەت ساتىپ الۋى كەرەك» دەپ مالىمدەپتى.

وليگارحتاردىڭ بارلىق مەنشىگى مەملەكەتكە بەرەشەك «ۋپۋششەننايا ۆىگودامەن» قايتارىلۋى ءتيىس. بۇلار، وليگوپوليانىڭ ارقاسىندا «شۇرىق-شۇرىق» بولىپ تۇرعان بيۋدجەتتى تاعى دا وزدەرىنە تەلىپ قويماقشى!
ەلىمىزدىڭ بارلىق ەكونوميكالىق – وندىرىستىك يگىلىكتەرى حالىققا قىزمەت ەتۋى كەرەك. بۇل باستى اسپەكت! ال، كەيبىر كۇشتەر يدەولوگيالىق كوكتەيل جاساپ جاتىر. ءسويتىپ، «جانۇيالىق ساياساتتى» قايتادان تىرىلتپەكشى.
رەۆانشيزم دەگەنىمىز وسى!

شەكارالىق اۋىل، ايماقتىڭ مۇددەسىنە بۇل ازاماتتاردىڭ تۇسىنە دە كىرمەيدى! ويتكەنى، ولار اۋىلدان الىس. حالىقتىڭ مۇڭ-مۇقتاجىن مۇلدەمگە تۇسىنبەيدى.

ولاردىڭ تاڭداۋى ءبىزدىڭ قالاۋىمىز دا، تاڭداۋىمىز دا ەمەس!
بۇكىل ەكونوميكا ءار-ءبىر ازاماتقا قىزمەت ەتىپ، يگىلىك قاراپايىم ادامنىڭ مۇددەسىنە ءجۇمسالۋى ءتيىس»، – دەپ جازادى دەپۋتات.

16 مامىردا بولات ءابىلوۆ باستاعان ءبىر توپ ادام «ءبىزدىڭ تاڭداۋ» ساياسي پارتياسىن قۇراتىندارىن مالىمدەپ، ءباسپاسوز ءماسليحاتىن وتكىزگەن ەدى. بولات ءابىلوۆ پارتيانىڭ باعدارلاماسىمەن تانىستىرىپ، قازاقستاندى – قازاقيا، استانانى  – الاشوردا دەپ وزگەرتۋ تۋرالى باستاما كوتەرگەن. كەيىن الەۋمەتتىك جەلىدە بولات ءابىلوۆتىڭ ارتىندا قاڭتار وقيعاسىنان كەيىن بيلىكتەن تۇسكەن بەلگىلى تۇلعالار تۇرۋى مۇمكىن دەگەن ءسوز تاراعان. بۇعان قاتىستى ءابىلوۆ ءالى ەشنارسە ايتپادى.

Abai.kz