دەنساۋلىق ساقتاۋ ءمينيسترى اجار گينيات "كوروناۆيرۋستىڭ جاڭا "ستەلس-وميكرون" شتامىنا بايلانىستى قازاقستاندا كارانتين جاريالانا ما" دەگەن سۇراققا جاۋاپ بەردى. بۇل تۋرالى Tengrinews.kz-كە سىلتەمە جاساپ، Abai.kz حابارلايدى. 

دەنساۋلىق ساقتاۋ مينيسترلىگىنىڭ باسشىسى 12 ايماقتا كوروناۆيرۋستىڭ "وميكرون-شتامىنىڭ" ءبىر ءتۇرى تابىلعانىن ەسكە سالدى.

"بۇل - "ستەلس-وميكرون". كوروناۆيرۋس ينفەكتسياسىنىڭ بۇل ءتۇرى "دەلتاعا" قاراعاندا جەڭىلىرەك وتەدى. بىراق ونىڭ قاۋپى - تەز تارالادى، قايتا اۋرۋعا اكەلەدى. سوندىقتان بۇگىن ءبىز شتامم بۇكىل ەل بويىنشا تاراپ جاتقانىن كورىپ وتىرمىز", - دەدى مينيستر وكق بريفينگىندە.

مينيستر اۋرۋعا مونيتورينگ كۇن سايىن جۇرگىزىلەتىنىن ايتتى. "سيمپتومدارمەن كەلگەن بارلىق ناۋقاس تولىق كولەمدە ەم الىپ جاتىر. اۋرۋدىڭ مۇنداي اعىمىندا قانداي دا ءبىر كارانتين شارالارى بولادى دەپ كۇتپەيمىز. بارلىق كارانتين شارالارى الىپ تاستالعانىن كورىپ وتىرعانىڭىزداي. قازىر نەگىزىنەن، حالىق اراسىندا الدىن الۋ جۇمىستارى ءجۇرىپ جاتىر", - دەپ قورىتىندىلادى عينيات.

Abai.kz