“مەن ايتپايمىن، ەل ايتادى” تسيكلىنان.
ەكس مينيستر اقتالىپ انت -سۋ ءىشىپ وتىر. بەينە، مەملەكەتشىل تۇلعا بوسقا كۇيىپ كەتكەلى تۇرعان سياقتى.
دەنى ساۋ، مەملەكەتشىل مينيستر ونەر ادامىمەن سوتتاسپايدى، وعان جاعداي جاسايدى.

دەنى ساۋ، مەملەكەتشىل مينيستر “ەنتسيكلوپەديا” باسپاسى باسشىسىن ەش كىناراتسىز بوساتىپ، ورنىنا تۋىسقانىن تاعايىنداپ، باسپا عيماراتى مەن نەداۋىر ۇلكەن جەردى جەكەشەلەندىرىپ المايدى، اقىنعا (باۋىرجان جاقىپ) جاعداي جاسايدى، باسپا ءىسىن وركەندەتەدى. جەكەلەنسە - جول ب. جاقىپتىكى ەمەس پە؟!

دەنى ساۋ، مەملەكەتشىل مينيستر ق.ا.ياساۋي ماۆزولەيى قابىرعاسى ىلعالدانىپ، جارىلا باستاعانىن ايتىپ دابىل قاققان ديرەكتوردى ورنىنان الىپ، كيەلى ماۆزولەيگە باسشى ەتىپ بۇرىن سوڭىنان ءسوز ەرگەن ء“وز ادامىن” تاعايىنداپ، كەسەنەگە جانى اشيتىن ادامداردىڭ مەسەلىن اياقاستى ەتپەيدى. ىندىنىن قۇرتقان ءمينيستردىڭ “رەستاۆراتسياعا” بولىنەتىن قىرۋار قارجى بولسا كەرەك.
ايتا بەرسە، ەكسمينيستردىڭ ارانى اش قاسقىردىڭ تابەتىنەن جامان دەسەدى جۇرت. مەن ايتپايمىن، جۇرت ايتادى! كىم ءبىلسىن؟

قالاي دەگەندە دە ءمينيستردىڭ انت-سۋ ءىشىپ، قارعانۋىنا سەنگىڭ كەلمەيدى. مۇحتار قۇل-مۇحامەدتەي زيالى ورنىنا كەلىپ وتىرعان ارىستانبەك (اليەۆ) مينيسترلىكتىڭ جۇمىسىن ىلگەرى باستىرا الماعانى انىق. مۇنى ەندى مەن ايتامىن.

مينيستر - ەل قىزمەتشىسى! ەل قىزمەتشىسى - ءمينيستردى ەل اقتاماسا، جۇرت جاقتاماسا، ول قانداي مينيستر بولعانى؟

جالپى، ءبىز مىنا 30 جىلدا مادەنيەت مينيسترىنە شارل دە گولدىڭ كوزىمەن قاراي المادىق. وبرازدى ايتقاندا، دەنى مادەنيەتتەن جۇرداي، “بوق دومالاتقان قوڭىزدان” ارتىق جەرى جوق قۋىس قۋراي كەۋدە، ءجاي پەندە! وكىنىشتى!
ايتا بەرسە، بۇل تاۋسىلمايتىن “جىر”. ءۇمىت كوزى ىلگەرىدە!
انت ارزانداپ كەتكەن جوق پا، بۇگىنگى كۇنى؟

قۇلبەك ەرگوبەك

Abai.kz