ۇكىمەت گازدى شەتەلگە شىعاراتىنى تۋرالى حابارلاعان جوق. الايدا قىتاي مالىمەتتەرىنەن تاشكەنتتىڭ ورتالىق ازيا-قىتاي قۇبىرىمەن گاز ەكسپورتتاپ جاتقانىن بايقاۋعا بولادى. تۇركىمەنستاننان باستالاتىن بۇل قۇبىر وزبەكستان مەن قازاقستان ارقىلى قىتايعا بارادى.
قىتايدىڭ باس كەدەن باسقارماسى مالىمەتىنشە، وزبەكستان قىتايعا بيىل العاشقى ءتورت ايدا 132,8 ملن دوللارعا گاز ەكسپورتتادى، دەپ حابارلادى رەسەيلىك Neftegaz.ru پورتالى. ناقتى قانشا گاز ەكسپورتتالعانى حابارلانبادى.
تۇركىمەنستان قاڭتار-ءساۋىر ايلارىندا قىتايعا 2,87 ميلليارد دوللارعا گاز ساتقان. قازاقستاننىڭ قىتايعا ەكسپورتى $270,6 ملن بولعان.
بيىل تاشكەنت 3,3 ميلليارد تەكشەمەتر گاز ەكسپورتتاۋدى جوسپارلاپ وتىر. 2019 جىلى رەسپۋبليكا شەتەلگە 12,2 ميلليارد تەكشەمەتر گاز ساتقان.
Abai.kz
