قازاق ەلىنىڭ ونەرپاز وقۋشىلارى حالىقارالىق ءتۇرلى ونەر بايقاۋلارىندا توپ جارىپ ماڭدايلارى جارقىراپ جۇرگەنى جاسىرىن ەمەس. تاياۋدا 17-22 مامىر ارالىعىندا باۋىرلاس تۇرىك ەلىندەگى ستامبۇل ماڭىندا  ىى تۇركيا-ايبالىق حالىقارالىق بي جانە مۋىزكا فەستيۆالىنە الاش جۇرتىنان قىرىق شاقتى ونەرلى بالالار قاتىسقان بولاتىن. سولاردىڭ اراسىندا سەمەيلىك قارشاداي ءانشى ىرىسگۇل قايراتبەكتە بارتىن. ىرىسگۇل وسى بايراقتى ونەر باسىندە ءوز تىڭدارماندارىن «قازاعىمسىڭ» جانە «Tears of gold» اندەرىن ناقىشىنا كەلتىرىپ ورىنداۋىمەن ءتانتى ەتە ءبىلدى. ادىلقازىلار القاسىنىڭ ۇيعارىمىمەن ءىى تۇركيا-ايبالىق حالىقارالىق بي جانە مۋىزكا فەستيۆالىنىڭ ءى ورنىن يەلەندى. جاس ونەرپازعا سونىمەن بىرگە گۇرجىستاننىڭ باتۋمي قالاسىنداعى «ArtBatumi» جولداماسى بۇيىردى.

حالىقارالىق جانە رەسپۋبليكالىق دودالى جارىستاردا جۇلدەلى ورىنداردان كورىنىپ جۇرگەن 11 جاسار ىرىسگۇل سەرىكقىزى قايراتبەك – 23 مەكتەپتىڭ 4 ا سىنىبىنىڭ شاكىرتى ءان پاديشاسى امىرەنىڭ ءىزباسارى رەتىندە ءوزىن تانىتىپ جۇرگەن ونەرى بالاپان. جەزتاڭداي جاس ءانشى 2020 جىلدان بەرى گاۋحار اريمبەكقىزىنىڭ جەتەكشىلىگىمەن قالالىق لاتيف حاميدي اتىنداعى №1 بالالار مۋزىكا مەكتەبىنىڭ فوتەپيانو توبىنىڭ 2-سىنىبىندا ءتالىم الۋدا.

ۇستازى گاۋحار اريمبەكقىزىنىڭ ايتۋىنشا ىرىسگۇلدىڭى اكەسى – سەرىك تە، اناسى – گۇلمارال دا ونەر دەسە ىشكەن اسىن جەرگە قوياتىن ءان-جىرلى وتباسى ەكەن. قۋانىشتى اكە سەرىك قايراتبەكۇلى «قىزىمىنىڭ بيىك بەلەستەردەن كورىنە باستاۋىنا العاشقى ءان الىپپەسىن تانىتقان مەكتەپ مۋزىكا ءپانىنىڭ مۇعالىمى شاحينۇر ورالحانقىزىنىڭ ورنى ءبىر بولەك، بالامىز ءوز تاڭداۋىن جاساپ، ءتۇرلى جارىستاردا توپ جارا باستادى» دەيدى.

ونەرسۇيەر سەمەي جۇرتى تاعى ءبىر رەت روزادان كەيىنگى جاس دارىننىڭ جۇلدىزىنىڭ جارقىراۋىنا كۋا بولدى.

Abai.kz