جۇما, 29 ناۋرىز 2024
جاڭالىقتار 2643 0 پىكىر 19 مامىر, 2009 ساعات 13:47

ءۇش جاسار بالانى ولتىرگەن ۇلكەندەردىڭ قاتىگەزدىگى پوليتسياعا دا جاعا ۇستاتتى

زاماننىڭ بەتالىسى اۋىرلاپ بارا جاتىر ما، بۇگىندە نەبىر سۇمدىق قىلمىستار كورىنىس بەرە باستادى. جاقىندا كەربۇلاق اۋداندىق ءىىب قىزمەتكەرلەرى ءوز ەرىكتەرىمەن اسىراپ العان كىشكەنە ءسابيدى اسقان جاۋىزدىقپەن ءولتىرىپ، جاسىرىن جەرلەپ تاستاعان اتا-انانىڭ قىلمىسىن اشكەرەلەدى.

زاماننىڭ بەتالىسى اۋىرلاپ بارا جاتىر ما، بۇگىندە نەبىر سۇمدىق قىلمىستار كورىنىس بەرە باستادى. جاقىندا كەربۇلاق اۋداندىق ءىىب قىزمەتكەرلەرى ءوز ەرىكتەرىمەن اسىراپ العان كىشكەنە ءسابيدى اسقان جاۋىزدىقپەن ءولتىرىپ، جاسىرىن جەرلەپ تاستاعان اتا-انانىڭ قىلمىسىن اشكەرەلەدى.
ناۋرىز ايىنىڭ 16-سى كۇنى اۋداندىق پوليتسيانىڭ كەزەكشى بولىمىنە سارىباستاۋ اۋلىنىڭ ماڭىنداعى جىلاندى قىستاۋىندا كىشكەنە بالانىڭ ولتىرىلگەنى تۋرالى جەدەل حابار كەلىپ تۇسەدى. دەرەۋ جولعا شىققان جەدەل قىزمەتكەرلەر وقيعا بولدى دەگەن جەرگە بارىسىمەن كەلىپ تۇسكەن اقپاراتتىڭ اقيقاتتىعىنا كوز جەتكىزگەن. كەربۇلاق اۋداندىق ءىىب قىزمەتكەرلەرىنىڭ انىقتاۋى بويىنشا  ناۋرىز ايىنىڭ العاشقى كۇندەرىنىڭ بىرىندە كامەلەتكە تولماعان قۋاندىق اتتى بالانى اسىراپ العان وگەي اكە-شەشەسى جاۋىزدىقپەن  ولتىرەدى. ءۇش جاسىنا دەيىنگى تىرلىگىندە ەرەسەكتەر تاراپىنان قامقورلىق ەمەس قورلىق قانا كورىپ، اقىرى انا ءسۇتىنىڭ ءدامىن سەزبەگەن كۇيى كىسى قولىنان و دۇنيەلىك بولعان بالدىرعان 2006 جىلى ەسكەلدى اۋداندىق اۋرۋحاناسى جانىنداعى پەرزەنتحانادا دۇنيەگە كەلگەن ەكەن. اناسى بىردەن باس تارتقان ءسابيدى كوكەك شەشەنىڭ اعاسى مەن ونىڭ نەكەسىز تۇرىپ جاتقان ايەلى اسىراپ الادى. الايدا، ەكەۋى دە وگەي بالاعا دۇرىس قاراماعان. ونى وزدەرىنىڭ قامسىز تىرلىكتەرىنە كەدەرگى رەتىندە قابىلداعان. جىلدار بويى ءوزارا ۇرسىسىپ، اسىرەسە، اراق ىشكەن كەزدەرىندە بالانى اسىراپ العاندىقتارىن ءبىر-بىرىنەن كورەتىن ولاردىڭ اراسىنداعى جانجالدىڭ ءبىرىنىڭ سوڭىندا ناعاشى اعاسى ءالى ەشتەڭەنى تۇسىنبەيتىن ءسابيدىڭ مويىنىنا ارقان سالىپ، ەشتەڭەنىڭ بايىبىنا بارماعان بالاپاندى اتتىڭ قۇيرىعىنا بايلاپ جىبەرەدى. ول قازىرگى كەزدە بارلىعىن مەيىرىمسىز ايەلگە جاۋىپ، بارماعىن تىستەگەن كەيىپ بايقاتىپ وتىرعان كورىنەدى.
وسىلايشا قورعانسىز سابيىگە قارسى اسا قاتەگىزدىكپەن ىستەلگەن قىلمىستىڭ بەتى اشىلىپ، كۇدىكتىلەر قاماۋعا الىندى. تەرگەۋ امالدارى جالعاسۋدا. دەگەنمەن، ەكى بىردەي اۋداننىڭ دەنساۋلىق ساقتاۋ سالاسىنداعىلار، بالالار قۇقىعىن قورعايتىندار، ەڭ اياعى اكىمدىكتەگىلەر ءۇش جىل بويى اراقكەش اسىراۋشىلاردان قورلىق كورگەن ءسابيدىڭ تاعدىرىنا دەر كەزىندە نازار اۋدارماعى، ارالاسپاعانى قالاي، ولارعا ءسابيدى اسىراپ الۋعا رۇقسات بەرگەندەر قايدا قاراعان دەگەن ساۋالداردىڭ بارلىعىمىزدى مازالايتىنى راس. بىزدە ءار اۋدان بويىنشا جۇمىس جۇرگىزەتىن ءتۇرلى كوميسسيالاردى قوسا العاندا كامەلەتكە تولماعاندار قۇقىن قورعاۋعا، ولاردىڭ دەنساۋلىعى مەن تۇرمىسىنىڭ دۇرىس بولۋىن قاداعالاۋعا جانە قامتاماسىز ەتۋگە ءتيىستى ورگاندار جەتەرلىك. بىراق ونداعىلار وسىنداي ادامعا جاعا ۇستاتار وقيعالاردان سوڭ عانا ساندارىن سوعىپ، ءبىرىن-ءبىرى كىنالاپ جاتادى. ال قۋاندىق ءبۇلدىرشىن  بولسا قىپ-قىسقا عۇمىرىندا قۋانىشتىڭ نە ەكەنىن بىلمەستەن وكىنىشتىڭ نە ەكەنىن تۇسىنبەستەن ومىردەن ءوتىپ كەتتى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594