الماتى اكادەمياسىنىڭ ۇزدىك تۇلەكتەرى باس قولباسشىنىڭ قولىنان پوگون الدى
الماتى اكادەمياسىنىڭ ۇزدىك تۇلەكتەرى پرەزيدەنت قولىنان پوگون الدى، – دەپ حابارلايدى Polisia.kz.
بيىل قازاقستان پوليتسياسىنىڭ قۇرىلعانىنا 30 جىل تولدى.وسى جىلدار ىشىندە ءىىم م. ەسبولاتوۆ اتىنداعى الماتى اكادەمياسى ەگەمەندى ەلىمىزدىڭ ىشكى ىستەر ورگاندارى ءۇشىن بىلىكتى دە ءبىلىمدى ماماندار دايارلاۋدا زور جەتىستىكتەر مەن جاڭاشىلدىققا قول جەتكىزدى. جوعارى تەحنولوگيا عاسىرىندا ءىىم-ءنىڭ تاريحى باي وقۋ ورىندارىنىڭ بىرەگەيى م. ەسبولاتوۆ اتىنداعى الماتى اكادەمياسى قىلمىستىڭ الدىن الۋ جانە اشۋ سالاسىندا زاماناۋي ەڭ جاڭا جانە پروگرەسسيۆتى تەحنولوگيالاردى قولدانا الاتىن ماماندار دايارلاۋدا.
مەملەكەت باسشىسىنىڭ تاپسىرماسىنا سايكەس، اكادەميادا وقىتۋدىڭ جاڭا فورماتى اياسىنداعى ينتەرنەت الاياقتىققا جانە كيبەر قىلمىسقا قارسى كۇرەس جونىندەگى ارنايى باعدارلاما قابىلداندى. سوڭعى جىلدارى ينتەرنەت الاياقتىق پەن كيبەر قىلمىستىڭ قارقىندى سيپات الىپ بارا جاتقانى جاسىرىن ەمەس.
بۇكىل دۇنيە ءجۇزىن الاڭداتىپ وتىرعان مۇنداي قىلمىستارعا تەك بىلىكتى ماماندار عانا توسقاۋىل قويا الادى. وسى ماقساتتا اكادەميادا كيبەرقىلمىستارمەن كۇرەسەتىن جوعارى ساپالى مامانداردى دايارلاۋ جۇيەلى جولعا قويىلعان. قازاقستان رەسپۋبليكاسىنىڭ پرەزيدەنتى، قازاقستان قارۋلى كۇشتەرىنىڭ جوعارى باس قولباسشىسى قاسىم- جومارت توقاەۆ ارنايى جانە اسكەري جوعارى وقۋ ورىندارىن ۇزدىك بىتىرۋشىلەرگە ءوز قولىمەن وفيتسەرلىك شەندەرىن تابىس ەتتى.
ولاردىڭ اراسىندا الماتى اكادەمياسىن “اقپاراتتىق جۇيە” باعدارلاماسى جانە پرەزيدەنت تاپسىرماسىنا سايكەس جۇزەگە اسىرىلعان وقىتۋدىڭ جاڭا فورماتى اياسىنداعى ينتەرنەت الاياقتىققا جانە كيبەر قىلمىسقا قارسى كۇرەس جونىندەگى ارنايى باعدارلاما بويىنشا ءبىلىم العان نۇرجان بازباەۆ تا بار.
سونداي-اق “قۇقىق قورعاۋ قىزمەتى” باعدارلاماسى بويىنشا اكادەميانى ۇزدىك بىتىرگەن ءامينا تاسپاەۆا قازاقستان رەسپۋبليكاسىنىڭ ىشكى ىستەر ءمينيسترى مارات احمەتجانوۆتىڭ قولىنان “پوليتسيا لەيتەنانتى” شەنىن الدى. اكادەميا تۇلەكتەرىنىڭ مۇنداي جەتىستىكتەرى وقۋ ورنىنىڭ ۇجىمى ءۇشىن زور ماقتانىش.
تاعى ءبىر ايتا كەتەتىن ءجايت، الماتى اكادەمياسى قر ءبىلىم جانە عىلىم مينيسترلىگى اتتەستاتسيالىق كوميسسياسى تاراپىنان ىشكى ىستەر ورگاندارى ءۇشىن ساپالى كادرلار دايارلاۋداعى جەتىستىكتەرى ءۇشىن جوعارى باعا الدى.
Abai.kz
