سۇيىتىلعان گاز قىمباتتايدى
ەلىمىزدە سۇيىتىلعان گاز باعاسى كوتەرىلدى. قر ەنەرگەتيكا مينيسترلىگى گاز باعاسىن تونناسىنا 33 600 تەڭگەدەن بەكىتتى.
جاڭا باعا 1-شىلدەدەن باستاپ كۇشىنە ەنىپ، 2023 جىلدىڭ 30 ماۋسىمىنا دەيىن ساقتالماق. وزگەرىس كۇشىنە ەنگەن ۋاقىتتا سۇيىتىلعان گاز باعاسىن وسىرمەۋگە بايلانىستى جاريالانعان موراتوري كۇشىن جويادى.
مينيسترلىك جاڭا باعا تۇتىنۋشىلارعا اسا سەزىلمەيدى، سەبەبى كوتەرمە گازدىڭ باعاسى ايتارلىقتاي كوتەرىلمەيتىنىن ايتادى. مينيسترلىكتىڭ جورامالىنشا، سۇيىتىلعان گاز 2 تەڭگەدەن 5 تەڭگەگە قىمباتتاۋى مۇمكىن.
Abai.kz
