«تۋعان جەرىم مەنىڭ قازاقستانىم»

ءان ۇران بولماي تۇراپ-اق، ۇران ءان بولعان قۇبىلىس سيپاتتى ولەڭ. بۇل ءبىر شۋماق ولەڭ بودان ۋاقىتتا بوستاندىق اڭساتىپ، ۇلتتى ۇيىتىپ تۇردى.

ءسوزدىڭ شىنىنا كوشسەك «تۋعان جەرىم مەنىڭ قازاقستانىم» دەگەن ءسوزدى ايتقان جالعىز اقىن ول جۇمەكەن عانا. مەن دەگەن ەش ءبىر قازاق اقىنى تۇتاس قازاقستاندى «تۋعان جەرىم مەنىڭ» دەپ ايتا العان جوق. ونداي ويعا جەتە المادى. كەشەگى كىرىپتار شاقتىڭ وزىندە كەۋدەسىنە قولىن قويىپ تۇرىپ، ءار قازاق ايتقان ءسوز عوي بۇل.

تۋعان جەرىن جىرلاماعان اقىن جوق. تۇتاس ۇلتتىق تەرريتوريانى تۋعان جەرىم دەگەن اقىن جالعىز جۇمەكەن. بۇل وي، بۇل ءسوز ءبىر ولەڭدە عانا ەمەس، جۇمەكەن جىرلارىندا ءجيى كەزىگەدى.

ءشامشىنىڭ اۋەندەرى ءوزى ءبىر الەم ەكەنى انىق. ول – قانشاما ولەڭدى ورگە شىعاردى، قانشاما اقىندى تورگە شىعاردى، وعان داۋ بار ما؟! ءسوز بەن اۋەننىڭ ۇيلەسىمى اندە جارىسا شارىقتاپ سانا بيىگىنە سامعاپ كەتىپ جاتادى. كەيبىرىندە ولەڭ، قاي بىرىندە اۋەن كوتەرەدى. تاپ وسى تۋىندىدا ولەڭ وزىپ تۇرعانى ءسوزسىز. ءبىر عانا اكتاۆادان اسپايتىن مينور تانالنستاعى مارش ەكپىندى اۋەندى اۋەگە كوتەرىپ تۇرعان دا جىر قۇدىرەتى، ازاتتىق اڭساعان، قان تاسىتار رۋح قۇدىرەتى.

بۇل اڭگىمەنىڭ بۇلايشا ايتىلۋىنا ءشامشى اعامىزدىڭ رۋحىنا «ەڭبەك ەرى» اتاعى بەرىلۋى سەبەپ بولدى. شامشىگە اتاق بەرگەنى ەمەس، جۇمەكەندى ودان ءبولىپ تاستاعانى سەبەپ بولدى.

الماس احمەتبەكۇلى

Abai.kz