«اسقار مامين ۇكىمەتى ۇلتتىق قوردان ءبىر جىلدا 200 ميلليارد تەڭگە جاراتىپ جىبەرگەن”،- دەپ حابارلايدى Dala ينسايد تەلەگرام ارناسى.

ارنانىڭ مالىمەتىنشە، 2021 جىلى ۇلتتىق قوردان 4,5 تريلليون تەڭگە الىنىپ، تەك 4,3 تريلليون تەڭگە تۇسكەن.

ەسەپ كوميتەتىنىڭ ءتورايىمى ناتاليا گودۋنوۆانىڭ سوزىنشە، 2015 جىلدان بەرى شەنەۋىكتەر ۇلتتىق قوردى بەلسەندى تۇتىنىپ كەلەدى. سونىڭ كەسىرىنەن ول 2022 جىلدىڭ باسىندا 55 ميلليارد دوللارعا دەيىن قىسقارعان. بۇل رەتتە وسى اقشانى پايدالانۋدىڭ ارنايى زاڭى بار ەكەنىن ايتۋ كەرەك. بىراق ول ورىندالماي كەلەدى.

ايتا كەتەيىك، بيىلعى قاڭتار وقيعالارىنان كەيىن مامين باستاعان ەسكى ۇكىمەت تاراتىلدى. اسقار ءماميننىڭ ءوزى 5 قاڭتاردا وتستاۆكاعا ءوتىنىش بەرىپ، قىزمەتىنەن كەتتى. ونىڭ ورنىنا پرەمەر-مينيستر بولىپ ءاليحان سمايىلوۆ سايلاندى.

Abai.kz