سارسەنبى, 17 تامىز 2022
46 - ءسوز 1326 17 پىكىر 20 ماۋسىم, 2022 ساعات 14:03

ءدىندى قانداي ماقساتپەن زەرتتەۋ كەرەك؟

نانىم-سەنىم تۇرعىسىندا مەن ءوزىمنىڭ ەجەلگى بابالاردىڭ تاڭىرلىك سەنىمىن قولدايتىنىمدى، سوعان ساي دۇنيەتانىمعا سۇيەنەتىنىمدى جاسىرمايمىن.

ول تۋرالى ءوز پوستىمدا اشىق جازىپ تا كەلەمىن...

وندا مەن ءبىر ءدىندى قارالاپ، ەكىنشىسىن اقتامايمىن.

سەبەبى، تاڭىرلىك دۇنيەتانىم - اشىق سانا تۇرىندەگى سەنىم. ونىڭ باستى ءپرينتسيپى - "كوكتە - ءتاڭىر، تومەندە - قارا جەر، ورتادا - ءبىز جاراتىلدىق" دەگەن سەنىم ەرەجە سانالادى.

سوندىقتان، مۇنداعى ء"بىز" دەگەنىمىز بۇكىل ادامزاتقا، ودان ءارى - بۇكىل تىرشىلىككە، تۇتاس جاراتىلىسقا قاتىستى ورتاق ۇعىم.

وندا ادامداردى نە باسقا دۇنيەنى دىنگە نە تۇرگە  ءبولۋ قاراستىرىلماعان.

تاڭىرلىك دۇنيەتانىم بويىنشا - جەر بەتىندەگى بار تىرشىلىك اتاۋلى ءتاڭىر جاراتىلىسى بولىپ تابىلادى: كىم قانداي تىلدە سويلەيدى، تاڭىرىنە (قۇدايىنا) قالاي تابىنادى، قانداي ءدىني امالدار ورىندايدى.. - مۇنىڭ ءبارى ءتاڭىر قالاۋىمەن..

ياعني، كونەدەن قالىپتاسقان تاڭىرلىك دۇنيەتانىم مازمۇنى  بولشەكتەنبەگەن تۇتاس الەممەن سايكەس.

مۇنى نەگە ايتىپ وتىرمىن؟

دۇيسەنبى كۇنى نازارباەۆ ورتالىعى قىزمەتكەرلەرى مەنەن تاڭىرلىك تۋرالى سۇقبات الدى. (52 مينۋتتىق)

وندا مىناداي سۇراق بار ەكەن:

- ءسىز نە سەبەپتەن تاڭىرشىلىككە كەلدىڭىز؟ دەگەن.

بۇل سۇراقتان نەنى اڭعارامىز؟

تاڭىرشىلىكتى زەرتتەۋشىلەردى تاڭىرلىك سەنىمنىڭ قازاقى ورتادا قايتا پايدا بولۋىن "مادەني-رۋحاني فەنومەن" رەتىندە ەمەس، "تاڭىرلىكتىڭ يسلامعا قانداي اسەرى بولۋى مۇمكىن؟ وعان ادامداردى بارعىزباۋ ءۇشىن يسلام نە ىستەۋى كەرەك؟ دەگەن ماسەلەلەر كوبىرەك تولعاندىراتىن سياقتى...

(بىراق يسلام "وزگەرۋگە بەيىم ەمەس ءدىن" بولعاندىقتان، بۇل ماسەلەنى شەشۋ مۇمكىن بە؟ دەگەن سۇراق  تا قاتار تۋىندايدى بۇل جەردە).

تاعى ءبىر جاعى، زەرتتەۋشىلەر رەسپوندەنتتەردىڭ بارلىعىن، ۇلتى قازاق بولسا بولدى، اۋەل باستان "يسلام جاماعاتى" قاتارىندا سانايتىندىقتارى بولدى. ء"سىزدىڭ ءدىني-نانىم سەنىمىڭىز قانداي ەدى؟" سۇراق مۇلدەم قويىلمايدى ەكەن. بۇل - قاتەلىك.

سوندىقتان ماعان ول سۇراققا قىسقا-نۇسقا جاۋاپ بەرۋگە تۋرا كەلدى. وعان بىلاي دەدىم:

- اللانىڭ كولەڭكەسىنەن ادام كورىنگەن سوڭ، مەن ول دىننەن تارتىنا باستادىم...

...ەندەشە، ءدىندى زەرتتەۋدەگى باستى قاعيدا "تۋرا بيدە تۋعان جوق" بولۋى ءتيىس دەپ ويلايمىن..

سىزدەر قالاي ويلايسىزدار؟

ءابدىراشيت باكىرۇلى

Abai.kz

17 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2579
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2102
ادەبيەت

ءتۇس

ەرعالي باقاش 1774
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2866