جۇما, 12 تامىز 2022
1491 0 پىكىر 21 ماۋسىم, 2022 ساعات 13:28

تالىپتەر اشۋلى: تىكۇشاقتار تاجىكتەرگە بەرىلمەك

اقش كابۋلدا بيلىككە "تاليبان" قوزعالىسى كەلگەننەن بەرى ەلدەن قاشقان اۋعان اسكەرلەرى تاجىكستانعا تاستاپ كەتكەن تىكۇشاقتاردى دۋشانبەگە بەرۋگە نيەتتەنىپ جاتىر. بۇل تۋرالى اقش قارۋلى كۇشتەرىنىڭ ورتالىق قولباسشىلىق باسشىسى مايكل كۋريللا مالىمدەدى.

"بىلتىر تامىزدا اۋعان اسكەريلەرى تاستاپ كەتكەن تىكۇشاقتاردىڭ قاۋىپسىزدىگىن قامتاماسىز ەتكەنى ءۇشىن تاجىكستاننىڭ قارۋلى كۇشتەرىنە ريزاشىلىعىمىزدى بىلدىرەمىز. تالىپتەردىڭ وسىعان دەيىنگى بىرنەشە رەت قورقىتۋلارىنا قاراماستان، ۇشاقتار قايتارىلمايدى، ويتكەنى ولار تالىپتەرگە تيەسىلى ەمەس. ءبىز بۇل ۇشاقتاردى تاجىك ۇكىمەتىنە بەرەمىز دەپ وتىرمىز. بىراق قاشان ەكەنىن ايتا المايمىن، قازىر قاراستىرىلىپ جاتىر", – دەگەن كۋريللا.

وتكەن اپتادا دۋشانبەگە بارعان مايكل كۋريللا تاجىك پرەزيدەنتى ەمومالي راحمونمەن كەزدەسىپ، اقش پەن تاجىكستان اراسىنداعى كەلىسىمدەردى، اسكەري جانە قاۋىپسىزدىك سالاسى بويىنشا ارىپتەستىك ماسەلەلەرىن تالقىلاعان.

مامىر ايىندا اقش-تىڭ تاجىكستانداعى ەلشىسى دجون مارك پوممەرشايم ۆاشينگتون مەن دۋشانبە اۋعانستاننان تاجىكستانعا كەلگەن اسكەري اۋەتەحنيكانىڭ تاعدىرى جونىندە كەلىسسوز جۇرگىزىپ جاتقانىن جەتكىزگەن.

بىلتىر تامىزدا "تاليبان" قوزعالىسى بيلىككە كەلگەننەن كەيىن اۋعان اسكەرى تاجىكستانعا 18, وزبەكستانعا 46 ۇشاق جانە تىكۇشاقتارمەن قاشقان. سودان بەرى "تاليبان" جەتەكشىلەرى تاجىكستان مەن وزبەكستاننان ۇشاقتاردى قايتارۋدى تالاپ ەتىپ كەلگەن.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2083
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743