ماسكەۋدىڭ تۆەرسك اۋداندىق سوتى قازاقستان ازاماتى ۆلاديمير چۋۆيلوۆقا "ورىس ارمياسىن ديسكرەديتاتسيالادى" دەگەن ايىپپەن 50 مىڭ رۋبل جانە "پيكەت ەرەجەسىن بۇزدى" دەگەن باپ بويىنشا 20 مىڭ رۋبل ايىپپۇل سالدى.

بۇل جونىندە "وۆد-ينفو" قۇقىق قورعاۋ جوباسى حابارلايدى.

سوت چۋۆيلوۆتى "ميگراتسيا زاڭىن بۇزدى" دەگەن باپ بويىنشا اقتاپ شىعارعان. بۇل باپقا سايكەس، قازاقستاندىقتى ەلىنە دەپورتاتسيالاۋ كەرەك بولعان.

قازاقستان ازاماتى ۆلاديمير چۋۆيلوۆ 19 ماۋسىمدا " ۆەگان سوعىسقا قارسى. مۇنداي باسسىزدىقتى توقتاتىڭدار" دەگەن پلاكات ۇستاپ، بىرادامدىق پيكەتكە شىققان. ونى پوليتسيا قىزمەتكەرلەرى ۇستاپ، "قىتاي-قالا" بولىمشەسىنە اپارىپ، ءبىر تاۋلىك ۇستاعان.

Abai.kz