"قازاقستان حالقىنا" قورىندا كەڭەس توراعاسى اۋىستى
"قازاقستان حالقىنا" قورى قامقورشىلىق كەڭەسىنىڭ توراعاسى اۋىستى. بۇل تۋرالى قوردىڭ ءباسپاسوز قىزمەتى حابارلادى.
«پيا يۋري ۆلاديميروۆيچ قامقورشىلىق كەڭەستىڭ جۇمىس كولەمىنىڭ جوعارى بولۋىنا بايلانىستى توراعانىڭ وكىلەتتىگىن مەرزىمىنەن بۇرىن توقتاتۋ تۋرالى ءوتىنىش ءبىلدىردى. ول «University Medical Center» كورپوراتيۆتىك قورىن باسقارادى. قوردىڭ قامقورشىلىق كەڭەسىنىڭ توراعاسى بولىپ قوعام قايراتكەرى، «اتامەكەن» ۇكپ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ توراعاسى قايىربەك شوشانۇلى سۇلەيمەنوۆ سايلاندى»،- دەلىنگەن حابارلامادا.
Abai.kz
