جۇما, 29 ناۋرىز 2024
بيلىك 3392 0 پىكىر 27 ماۋسىم, 2022 ساعات 16:25

قوعامدىق كەڭەس «Samruk-Kazyna Trust» قورىنىڭ ەسەبىن تىڭدادى

اتاپ وتەرلىك جايت، «سامۇرىق-قازىنا» اق كومپانيالار توبىنىڭ بىرىڭعاي قايىرىمدىلىق وپەراتورى سانالاتىن اتالعان ۇيىم العاش رەت جۇمىسىن وسىنداي قوعامداستىق تالقىسىنا سالىپ وتىر.

«سامۇرىق-قازىنا» اق قوعامدىق كەڭەسىنىڭ الدىنداعى ەسەبىندە Samruk-Kazyna Trust» قورىنىڭ باس ديرەكتورى الفيا اديەۆا 2021 جىلى «Samruk-Kazyna Trust» قورى ءبىلىم بەرۋ، دەنساۋلىق ساقتاۋ، مادەنيەت سالالارىن جانە بۇقارالىق سپورت، الەۋمەتتىك كاسىپكەرلىكتى دامىتۋ، حالىقتىڭ الەۋمەتتىك وسال توپتارىن قولداۋ، وڭىرلەردى كەشەندى وركەندەتۋ باستامالارىن قولداعانىن جەتكىزدى.

«قوردىڭ 2022 جىلعا ارنالعان قايىرىمدىلىق باعدارلاماسى 10 ميلليارد تەڭگەنى قۇرايدى. ونىڭ ىشىندە بۇگىندە 4,18 ملرد تەڭگەنىڭ 14 جوباسى ماقۇلداندى. الەۋمەتتىك جوبالاردى قارجىلاندىرۋعا وتىنىمدەر «Samruk-Kazyna Trust» سايتىندا ورنالاستىرىلعان قايىرىمدىلىق كومەك كورسەتۋ ەرەجەسىنە سايكەس ۇكىمەتتىك ەمەس ۇيىمداردان قابىلدانادى. سونىمەن قاتار، «سامۇرىق-قازىنا»  كاسىپورىندارى بار وڭىرلەردە ءوزىمىز جوبالاردى جۇزەگە اسىرۋعا باستاما كوتەرە الامىز»، - دەدى ەسەپتىك سوزىندە «Samruk-Kazyna Trust» قورىنىڭ باس ديرەكتورى الفيا اديەۆا.

ماقۇلدانعان جوبالار اراسىندا اۋتيستىك سپەكتردىڭ اۋرۋلارى مەن مەنتالدى بۇزىلىستارى بار بالالارعا ارنالعان 8 ورتالىق قۇرۋ، دامۋى بۇزىلعان جانە ولاردىڭ تۋىنداۋ قاۋپى بار بالالارعا ەرتە دياگنوستيكالىق جانە ابيليتاتسيالىق كومەك كورسەتۋ بويىنشا 13 ەرتە ارالاسۋ ورتالىعىن قۇرۋ، سونداي-اق اتىراۋدا ەرەكشە بالالارعا تەگىن كومەك كورسەتۋ باستاماسى بار.

«Samruk-Kazyna Trust» قورى بۇگىندە قازاقستاننىڭ شالعاي ەلدىمەكەندەرىنە ساپالى مەديتسينالىق كومەك كورسەتۋ ماقساتىندا «جاردەم» جانە «سالاماتتى قازاقستان» پويىزدارىن تابىستى ىسكە قوسىپ، «باسقارىلاتىن گيپوتەرميا» يننوۆاتسيالىق جوباسى اياسىندا قاراعاندىدا 11 نارەستەنىڭ ءومىرى قۇتقارىلدى. الداعى ۋاقىتتا نارەستەلەردىڭ شەتىنەۋى مەن مۇگەدەكتىگىن ازايتۋ نيەتىمەن تاعى بەس پەريناتالدىق ورتالىقتى تەراپەۆتىك كەشەندەرمەن جابدىقتاۋ كوزدەلىپ وتىر.

«سامۇرىق-قازىنا» قورىنىڭ كاسىپورىندارى بار وڭىرلەردى دامىتۋ اياسىندا بيىل جاڭاوزەن قالاسىنىڭ 3 مەكتەبىن جيھازبەن جانە ينتەراكتيۆتى پانەلدەرمەن جابدىقتالسا، وتباسىلىق اۋلا كلۋبتارىن دەمەۋ ارقىلى حالىقتىڭ الەۋمەتتىك وسال توپتارىنان شىققان بالالار ءۇشىن ءتۇرلى سەكتسيالار ۇيىمداستىرىلۋدا. شىمكەنت قالاسىندا نەيرو-ورتوپەديالىق بۇزۋشىلىقتارى بار بالالاردى وڭالتۋ قولعا الىنباق. «بالالارعا ءومىر سىيلا»، «ءاۋتيزمدى جەڭەمىز!»، «جەتىم بالالارسىز قازاقستان» جوبالارى دا جالعاسىن تاپپاق. اعا بۋىن وكىلدەرىنە قامقورلىق تانىتۋدا «تاعىلىم» جانە «جەڭىس» جوبالارى جۇرگىزىلىپ، اۋىلدىق جەرلەردەگى بالالاردى سپورتقا باۋلا «باتىر بولامىن!» جوباسىنىڭ ارقاسىندا 20 سپورتزال اشىلماق. بۇدان باسقا، «Samruk-Kazyna Trust» مەملەكەتتىك ءتىلدىڭ كوكجەگىن كەڭەيتۋدە «Soyle» جوباسىن قولداۋدى ءجون دەپ تاپتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3568