قۇلىباەۆقا توقاەۆتىڭ ءتىسى باتپايدى دەپ ەدىك، اقىرى الپاۋىت كومپانياسىن مەملەكەت مەنشىگىنە قايتارىپتى. وعان باتىستاعى مۇنايشىلار توبەسى كوككە جەتكەندەي قۋانىپ ءجۇر.

تۇڭعىش پرەزيدەنتتىڭ قۇدالارىنان باستاپ كۇيەۋ بالالارىنا دەيىن دۇنيە-مۇلىكتەرىن مەملەكەت مەنشىگىنە وتكىزىپ جاتقانىن جاقسى بىلەسىزدەر.
ونداعان لاۋازىمدى تۇلعا قاماۋدا وتىر. بۇرىنعى كلاننىڭ جۇزدەگەن سەركەلەرى كرەسلولارىنان ايىرىلىپ الدى شەتەل اسىپ قاشىپ كەتتى.
ەلدە قالعاندارىنان ۇيقى كەتكەن.

بۇرىنعى ۇكىمەت ءۇيىن تەۋىپ كىرەتىن وليگارحتار قازىر قابىلداۋعا قالاي جازىلاتىندارىن بىلە الماي ءجۇر دەگەندى ەستىپ ەدىم.
جالپى ەرتەڭگە دەگەن جالت ەتكەن ءۇمىت بار.
ال سول الدى ءىستى بولىپ جاتقان وليگارحتار مەملەكەت پەن پرەزيدەنتكە اشىق اقپاراتتىق سوعىس جۇرگىزىپ جاتىر.

ءدال قازىر جالدامالى بلوگەرلەردىڭ داۋرەنى ءجۇرىپ اق تۇر.
وسى ىستەلىپ جاتقان جۇمىستاردى جوققا شىعارىپ، ارانداتىپ وتىر.
ءبىزدى بىرەسە رەسەيگە، بىرەسە قىتايعا ايداپ سالىپ ءتىپتى وزبەكستانمەن شاعىستىرعىسى كەلەتىن كۇشتەر بار.

وپاسىزدار! قۇداي قايىرىن بەرسىن. بۇرىنعى كلاننىڭ بۇزىقتارى “قاڭتاردى” قايتالاپ حالىقتا تاعى دا كوشەگە شىعارعىسى كەلىپ وتىر.

ەرقانات كوپجاسارۇلى

Abai.kz