اياعىنا دەيىن ايقاسقان تۇبىندە جەڭىسكە جەتەرىن ماتاەۆتار وقيعاسى كورسەتتى. ستۋدەنتتىك قۇرىلىس وتريادىنا كوماندير بولدى. بىزدەر - 1 كۋرس ستۋدەنتتەرى تۇگەلگە جۋىق سول وتريادقا جازىلىپ، جازدىڭ ءۇش ايىندا نارىنقولدا قۇرىلىس سالدىق. ءاربىرىمىز كەڭەستىڭ 1200 سومى مولشەرىندە جالاقى الىپ، ءبىر جىرعاپ قالعانبىز.

قازاققا قيىن زامان تۋعان 1986-88 جىلدارى قاراعاندى وبلىسىندا قاتارلاسا ەڭبەك ەتتىك. سەكەڭ ەڭ بەدەلدى قازتاگ ءتىلشىسى. ءبىز جاستار گازەتىنىڭ ءتىلشىسى بولدىق. ارتىمىزدا اڭدۋ بارىن ەسكەرتىپ، ساقتاندىرىپ ءجۇردى.
وسىنداي قيقۋ ونىڭ باسىنا 2016 جىلى كۇزدە قايتا ورالدى. سول جىلدىڭ كوكتەمىندە ءبىز ماتاەۆ تۇلعاسى تۋرالى تەلەباعدارلاماعا تۇسىرۋگە قۇلشىنعانبىز. "قاينار-جان، قويا تۇر، ءبىر ماسەلەلەر شىقتى، سولار بىرجاقتى بولسىن" دەگەن. بۇل ماسەلەنىڭ باقانداي التى جىلعا سوزىلارىن ءبىز قايدان بىلەيىك.

بۇگىن اقتالىپتى. ءوزى دە، ۇلى اسەت تە. تەرگەۋ دۇرىس جۇرمەگەن دەپتى. ونى بارشا حالىقتىڭ ءىشى سەزەتىن. "ال تەرگەۋ دۇرىس جۇرمەي جاتىر" دەپ جازۋعا وقتالعانىمىزدا، ءىستى تەرگەپ جۇرگەن تەرگەۋشى "ماتاەۆ اينالاسىنداعى جۋرناليستەردى ءوزىن قورعاۋعا تارتىپ جاتىر" دەپ بايبالام سالعان. وڭ نيەتىمىز تەرىسكە شىعار دەپ ءتىلىمىزدى تىستەگەنبىز.

جوعارعى سوتتىڭ جەتى سۋديادان تۇراتىن قىلمىستىق ىستەر جونىندەگى القاسى 2022 جىلعى 19 شىلدەدە سەيىتقازى مەن اسەت ماتاەۆتار ەشقانداي قىلمىستىق ارەكەت جاساعان جوق دەپ تۇجىرىپتى. ءارى قىلمىستىق ءىستى جۇرگىزگەن ورگاننىڭ زاڭسىز ارەكەتى كەسىرىنەن كەلتىرىلگەن شىعىندى قايتا تولتىرۋعا حاقىلى دەپتى. ءيا، الماتىنىڭ فۋرمانوۆ داڭعىلىنداعى قيراپ جاتقان ۇلتتىق ءباسپاسوز كلۋبىن جوندەتتىرۋگە بولادى.

ماتاەۆتار وقيعاسى - بىرنەشە جاعىنان ەرەكشە. الدىمەن - بۇل اسقان قايسارلىق ۇلگىسى. وزدەرىنىڭ كىناسىز ەكەنىن بىلگەندىكتەن، "جازدىق-جاڭىلدىق" دەپ جالىنباي، اياعىنا دەيىن شىدادى. ەكىنشىدەن، بۇل سوناۋ رىسقۇل مەن تۇراردان كەيىن اكە مەن بالانىڭ بىرگە تۇرمەدە بولۋى. ۇشىنشىدەن، پاتشا زامانىنداعى وزبىرلىقتىڭ نازارباەۆ زامانىندا قازاققا قايتا ورالۋى ەدى. ودان دا ارىلىپ جاتقاندايمىز.

ادالدىقتىڭ اق تۋىن جەلبىرەتكەن ماتاەۆتار اۋلەتىنە ريزامىز.

قاينار ولجاي

Abai.kz