قازاقستاندا وقۋ جىلى ەكى اپتاعا ۇزارۋى مۇمكىن. اعارتۋ ءمينيسترى جارلىعىنىڭ جوباسىندا وسىلاي دەلىنگەن.

قۇجاتقا سايكەس، ءبىرىنشى سىنىپتاعى وقۋ جىلى ەندى 35 اپتاعا سوزىلادى. قولدانىستاعى ەرەجەدە 33 اپتا دەپ كورسەتىلگەن. مينيسترلىك قالعان سىنىپتاردا وقيتىنداردىڭ وقۋ جىلىن 36 اپتا دەپ بەلگىلەۋدى ۇسىندى (قازىر 34 اپتا).

جارلىق جوباسىنا سايكەس، وقۋ جىلى ارالىعىنداعى دەمالىستار بىلايشا بولىنەدى:

- 1–11-سىنىپتار (12-سىنىپتار دا): كۇزگى دەمالىس — جەتى كۇن (31 قازاننان 7 قاراشاعا دەيىن), قىسقى دەمالىس — توعىز كۇن (31 جەلتوقساننان 9 قاڭتارعا دەيىن), كوكتەمگى دەمالىس — توعىز كۇن (18 ناۋرىزدان 27 ناۋرىزعا دەيىن);

- ءبىرىنشى سىنىپتا وقيتىندارعا قوسىمشا دەمالىس — جەتى كۇن (6 اقپاننان 13 اقپانعا دەيىن).

اعارتۋ مينيسترلىگى جازعى دەمالىستىڭ قىسقارۋى بالالاردىڭ الدىڭعى وقۋ جىلىندا العان ءبىلىمىن ۇمىتپاۋىنا كومەكتەسەدى دەپ ەسەپتەيدى.

ماۋسىم ايىندا اعارتۋ مينيسترلىگىنىڭ مەكتەپ باعدارلاماسىنا تۇزەتۋ ەنگىزەتىنى حابارلانعان. وعان سايكەس، قازاق مەكتەپتەرىندە ءبىرىنشى سىنىپتا تەك قازاق ءتىلى، ال ورىس مەكتەپتەرىندە قازاق جانە ورىس تىلدەرى وقىتىلماق.

وسىعان دەيىن قاتارىنان ءۇش ءتىل: قازاق، ورىس جانە اعىلشىن تىلدەرى وقىتىلىپ كەلگەن. جاڭا وزگەرىس بويىنشا قازاق مەكتەپتەرىندە ورىس ءتىلى – ەكىنشى سىنىپتان باستاپ، اعىلشىن ءتىلى ءۇشىنشى سىنىپتان باستاپ وقىتىلا باستايدى.

Abai.kz