شىمكەنتتىك كاسىپكەر ءامىر ماۋلەنوۆ كوپبالالى اناعا شىمكەنت قالاسىنان ءۇش بولمەلى ءۇيدىڭ كىلتىن تارتۋ ەتتى.

كوپبالالى وتباسىندا جەتى بالا ءوسىپ كەلەدى، ال، اناسى مەن اكەسى اجىراسقان ەكەن. كاسىپكەر وتباسىن باسپانامەن قامتاماسىز ەتكەنىمەن قويماي، شاڭىراقتىڭ ءتۇتىنى ءتۇزۋ شىقسىن دەگەن نيەتپەن اجىراسقان اتا-انانى قايتا تابىستىرىپ، يگى ءىس اتقاردى.

ءامىر ماۋلەنوۆتىڭ دوسى جاڭا پاتەرگە كىلەم جايىپ، ال، كاسىپكەردىڭ قارىنداسى ءۇيدى كورپە-جاستىقپەن قامداپتى.

كاسىپكەر بۇعان دەيىن «جۇرتىم جۇتاماسىن» اتتى باعدارلامادا اتالعان وتباسىنا باسپانا سىيلايمىن دەپ ۋادە بەرگەن. سول سوزىندە تۇرىپ، بۇگىن كوپبالالى وتباسىنىڭ العاسىنا بولەندى.

كاسىپكەر ەلىمىزدىڭ باسقا دا قالتالى ازاماتتارى بىرىگىپ وسىنداي يگى ءىستى جالعاستىرا تۇسسە دەگەن تىلەگىن ايتتى.

Abai.kz