سەيسەنبى, 27 قىركۇيەك 2022
1272 2 پىكىر 9 تامىز, 2022 ساعات 15:40

توقاەۆقا قاستاندىق. ۇقك نە دەيدى؟

قر ۇلتتىق قاۋىپسىزدىك كوميتەتى پرەزيدەنت قاسىم-جومارت توقاەۆقا قاستاندىق جاساماق بولعان كۇدىكتىنىڭ جەكە مالىمەتتەرى مەن قانداي قىلمىسقا قاتىسى بار بولۋى مۇمكىن ەكەنىن ايتىپ بەردى.

بۇعان دەيىن بۇقارالىق اقپارات قۇرالدارى بۇرىنعى جۋرناليست ايان اتىعاەۆتىڭ پرەزيدەنتكە جانە بىرقاتار جوعارى لاۋازىمدى مەملەكەتتىك قىزمەتشىلەرگە قاستاندىق ۇيىمداستىرعان شەتەلدىك اگەنت ەكەندىگى تۋرالى حابارلاعان بولاتىن.

«ۇقك اتىعاەۆ ايانعا قاتىستى قر قىلمىستىق كودەكسىنىڭ 24-بابى، 1-بولىگى جانە 255-بابى، 4-بولىگى بويىنشا قىلمىستىق ءىستى تەرگەۋ جۇرگىزىلىپ جاتقانىن حابارلايمىز»،-دەلىنگەن ۇقك حابارلاماسىندا.

24-باپ، 1-ءبولىم – قىلمىسقا دايىندىق، ال 255-باپ 4-ءبولىم –  قوعامدىق قاۋiپسiزدiكتi بۇزۋ، حالىقتى ۇرەيلەندiرۋ، قازاقستان رەسپۋبليكاسى مەملەكەتتiك ورگاندارىنىڭ، شەت مەملەكەتتiڭ نەمەسە حالىقارالىق ۇيىمنىڭ شەشiمدەر قابىلداۋىنا ىقپال ەتۋ، سوعىسقا ارانداتۋ نە حالىقارالىق قارىم-قاتىناستاردى شيەلەنiستiرۋ ماقساتىندا جاسالعان، ادام ومiرiنە قول سۇعۋ، سول سياقتى ءدال سول ماقساتتاردا، مەملەكەت نەمەسە قوعام قايراتكەرiنiڭ مەملەكەتتiك نەمەسە وزگە دە ساياسي قىزمەتiن توقتاتۋ نە وسىنداي قىزمەتi ءۇشiن كەك الۋ ماقساتىندا جاسالعان ونىڭ ومiرiنە قول سۇعۋ نە حالىقارالىق قورعاۋدى پايدالاناتىن ادامدارعا نەمەسە ۇيىمدارعا، عيماراتتارعا، قۇرىلىستارعا شابۋىل جاساۋمەن، ادامدى كەپiلگە الۋمەن، عيماراتتاردى، قۇرىلىستاردى، قاتىناس جانە بايلانىس قۇرالدارىن باسىپ الۋمەن، اۋە نەمەسە سۋ كەمەسىن، جىلجىمالى تەمiرجول سوستاۆىن نە وزگە دە قوعامدىق كولiكتi ايداپ اكەتۋمەن، سول سياقتى باسىپ الۋمەن ۇشتاسقان ادام ومiرiنە قول سۇعۋ.

كۇدىكتى وسى باپپەن سوتتالاتىن بولسا، مۇلكى تاركىلەنىپ، قازاقستان رەسپۋبليكاسىنىڭ ازاماتتىعىنان ايىرا وتىرىپ نەمەسە ونسىز، ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋعا نە ءومiر بويىنا باس بوستاندىعىنان ايىرۋعا جازالانادى.

ەسكە سالايىق، ۇقك 3 ساۋىردە پرەزيدەنتكە جاسالعان قاستاندىق جاساماق بولعان كۇدىكتىنىڭ ۇستالعانىن  حابارلاعان بولاتىن.

 

Abai.kz

2 پىكىر