جۇما, 30 قىركۇيەك 2022
1410 13 پىكىر 12 تامىز, 2022 ساعات 14:04

75 مىڭ: قازاقستانعا رەسەيلىكتەر قاپتاپ جاتىر

ىشكى ىستەر مينيسترلىگى 2022 جىلدىڭ باسىنان بەرى قازاقستاندا قانشا رەسەيلىك جانە ۋكراينالىقتاردىڭ جەكە سايكەستەندىرۋ ءنومىرىن (جسن) العانى تۋرالى مالىمەتتەردى ۇسىندى.

ىشكى ىستەر مينيسترلىگىنىڭ مالىمەتىنشە، جىل باسىنان بەرى قازاقستاندا شەتەلدىكتەر 198 806 جسن بەرگەن.

«تىركەلگەن ازاماتتاردىڭ ەڭ كوپ سانى: وزبەكستان – 91 454, رەسەي – 74 371, تاجىكستان – 7896, قىرعىزستان – 4470, ۋكراينا – 1520»، دەپ حابارلادى مينيسترلىك.

قازاقستانداعى شەتەلدىكتەرگە ءارتۇرلى وپەراتسيالار ءۇشىن جسن قاجەت:
• جۇمىسقا ورنالاسۋ;
• قازاقستاندا اعىمداعى شوتتى تىركەۋ;
• مۇلىكتى تىركەۋ;
• مەملەكەتتىك قىزمەتتەردى الۋ جانە ت.ب.

سونداي-اق كوشى-قون زاڭناماسىن بۇزعانى ءۇشىن 40 831 شەتەلدىك اكىمشىلىك جاۋاپكەرشىلىككە تارتىلدى. سوت 3519 شەتەلدىكتى ەلدەن شىعاردى. ەلدەن شىعارىلعانداردىڭ بارلىعىنا بەس جىلعا دەيىن ەلگە كىرۋگە تىيىم سالىنادى.

Abai.kz

13 پىكىر