ەرلان تۇرعىمباەۆ پرەزيدەنتتىڭ كەڭەسشىسى قىزمەتىنەن بوساتىلدى.
پرەزيدەنت قاسىم-جومارت توقاەۆ ەرلان تۇرعىمباەۆتى ءوزىنىڭ كەڭەسشىسى قىزمەتىنەن بوساتتى، دەپ حابارلادى اقوردانىڭ ءباسپاسوز قىزمەتى.
"مەملەكەت باسشىسىنىڭ وكىمىمەن ەرلان زامانبەكۇلى تۇرعىمباەۆ قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنەن بوساتىلدى", - دەلىنگەن سارسەنبى كۇنگى حابارلامادا.
تۇرعىمباەۆ 2022 جىلعى اقپاننان باستاپ پرەزيدەنتتىڭ كەڭەسشىسى قىزمەتىنە كىرىستى. بۇعان دەيىن 2019 جىلعى اقپاننان باستاپ ىشكى ىستەر ءمينيسترى بولىپ قىزمەت اتقارعان.
Abai.kz
