ءماجىلىس توراعاسىنىڭ ورىنباسارى پاۆەل كازانتسەۆ، ءماجىلىس دەپۋتاتى ەلدوس اباقانوۆ «AMANAT» پارتياسىنىڭ وكىلدەرىمەن بىرگە نۇر-سۇلتان قالاسىنداعى «زارەچنىي» تۇرعىن الابىنىڭ تۇرعىندارىمەن كەزدەستى.

وندا تالقىلانعان باستى ماسەلە مەكتەپ قۇرىلىسى تۋرالى بولدى.  ەلوردانىڭ قارقىندى دامىپ كەلە جاتقانىنا قاراماستان، زارەچنىي الابىندا ءالى كۇنگە دەيىن مەكتەپ سالىنباعان. №45 ورتا مەكتەپتىڭ سالىنعانىنا 34 جىل بولعان. بۇگىندە 400 بالانى عانا قامتي الاتىن مەكتەپتە 800-گە جۋىق بالا ءبىلىم الۋدا.

«كەزدەسۋدە بىرقاتار قالالىق، ءتىپتى رەسپۋبليكالىق دەڭگەيدەگى  ماسەلەلەر كوتەرىلدى. قالالىق دەڭگەيدەگى پروبلەما – ول قۇرىلىس، كوشەلەردى كەڭەيتۋ، كوممۋنيكاتسيالىق ماسەلەلەر جانە ت.ب.

بارلىق ماسەلەلەردى جازىپ الدىق، باقىلاۋعا الامىز»، – دەدى ءماجىلىس ۆيتسە-سپيكەرى پاۆەل كازانتسەۆ. ءماجىلىس توراعاسى ورىنباسارىنىڭ ايتۋىنشا، تۇرعىندار تاراپىنان كوتەرىپ جاتقان سۇراقتاردىڭ باسىم بولىگى جەرگىلىكتى اتقارۋشى ورگانداردىڭ دەڭگەيىندە شەشىلەتىن ماسەلە.

ءوز كەزەگىندە ەلدوس اباقانوۆ: «ەڭ كوپ كوتەرىلگەن سۇراق -  «مەكتەپ قاشان سالىنادى؟». مەكتەپ بۇل اۋدانعا ارينە جەتكىلىكسىز، ودان بولەك مەكتەپالدى دايارلىق كلاسستارىندا جاۋىپ تاستاعان. ءبىزدىڭ ماقسات – بارلىق پروبلەمالاردى تىكەلەي ەستىپ، ولاردىڭ شەشۋ جولدارىن ويلاستىرۋ. ءار سۇراق بويىنشا جەكە-جەكە جۇمىس جاسايتىن بولامىز. كەزدەسۋ اياسىندا ايتىلعان جانە ولاردىڭ شەشۋ جولدارى باقىلاۋعا الىناتىن بولادى»، – دەدى ول.

تۇرعىندار دەپۋتاتتارعا اۋدانداعى سالىنىپ جاتقان تۇرعىن ءۇي كەشەندەرىنىڭ سانى مەكتەپ پەن بالاباقشالارعا ساي بولۋى كەرەك دەگەن پىكىرلەرىن ايتتى.

Abai.kz