مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا حابارلادى.

قازاقستان مەن رەسەي پرەزيدەنتتەرى ەكى مەملەكەت اراسىنداعى ستراتەگيالىق ارىپتەستىك پەن وداقتاستىق قاتىناستارىن ودان ءارى دامىتۋ جونىندە پىكىر الماستى.

اڭگىمەلەسۋ بارىسىندا مەملەكەتتەر باسشىلارى جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرىپ كەلە جاتقان ۇكىمەتتەردىڭ ءتيىمدى ءوزارا ءىس-ارەكەتىن اتاپ ءوتتى.

قاسىم-جومارت توقاەۆ ۆلاديمير پۋتينگە تمد، اوسشك سامميتتەرىنە، سونداي-اق قازان ايىنىڭ ورتاسىندا قازاقستان استاناسىندا وتەتىن «ورتالىق ازيا – رەسەي» مەملەكەتتەر باسشىلارىنىڭ وتىرىسىنا قاتىسۋعا كەلىسكەنىنە ريزاشىلىعىن ءبىلدىردى.

ۆلاديمير پۋتين قاسىم-جومارت توقاەۆقا بۇگىنگى جولداۋىندا اتاپ وتكەن اۋقىمدى مىندەتتەردى جۇزەگە اسىرۋدا تابىس تىلەدى.

پرەزيدەنتتەر تۇراقتى جۇمىس بايلانىستارىن جالعاستىرۋعا كەلىستى.

Abai.kz