كەشەلى بەرى قوستاناي وبلىسىندا ورمان ءورتى بەت قاراتپاي تۇر. ءورت بىرنەشە اۋداندى شارپىعان. اۋليەكول، قارابالىق پەن ۇزىنكول اۋداندارىندا جانە قوستاناي قالاسى مەن قالا ماڭىنداعى ساياجايدا دا ءورت قاۋلاپ تۇر.

ءورتتى سوندىرۋگە قوستاناي وبلىسىنىڭ ءورت سوندىرۋشىلەرىنە سقو، قاراعانى مەن اقمولا وبلىسىنىڭ دا ءورت سوندىرۋشىلەرى جۇمىلدىرىلعان.

وسىعان بايلانىستى پرەزيدەنت توقاەۆ 5 قىركۇيەكتەگى جوسپارى بويىنشا قوستاناي وبلىسىنا ساپاردان باس تارتۋى مۇمكىن دەگەن اقپارات شىقان. بۇگىن پرەزيدەنتتىڭ ءباسپاسوز حاتشىسى رۇسلان جەلدىباي ارنايى مالىمدەمە جاساپ، پرەزيدەنت تورعايعا باراتىنىن حابارلادى.

«بۇقارالىق اقپارات قۇرالدارىنان «قوستاناي وبلىسىنداعى ورتكە بايلانىستى مەملەكەت باسشىسىنىڭ وسى وڭىرگە جوسپارلانعان ساپارى بولا ما؟»، - دەگەن ساۋالدار كەلىپ جاتىر.

قالىپتاسىپ وتىرعان جاعدايعا قاراماستان، پرەزيدەنت ءوزىنىڭ بەرگەن سوزىنەن تايماي، 5 قىركۇيەكتەگى جۇمىس كەستەسىنە سايكەس تورعايعا جۇمىس ساپارىمەن بارادى.

قازىر اۋليەكول اۋدانىنداعى ءورتتى ءسوندىرۋ ءۇشىن ءتيىستى جۇمىستار جۇرگىزىلىپ جاتىر. جاعدايدى وڭىرگە ارنايى بارعان توتەنشە جاعدايلار ءمينيسترى يۋري يلين باستاعان جەدەل توپ قاداعالاپ وتىر»، - دەدى رۇسلان جەلدىباي.

Abai.kz