الەمدىك جانە ءداستۇرلى ءدىن كوشباسشىلارى VII سەزىنىڭ جالپى وتىرىس كۋلۋارىندا قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆاعا باق وكىلدەرى 2028 جىلدان كەيىن ايەلدەر زەينەتكە نەشە جاستان باستاپ شىعاتىنىن سۇرادى، دەپ حابارلايدى Abai.kz سايتى قازاقپاراتقا سىلتەمە جاساپ.

«مەملەكەت باسشىسى جولداۋىندا ايتقاننان كەيىن زاڭعا ءتيىستى وزگەرىستەر ەنگىزىپ، ۇكىمەت قۇرامىنداعى ازاماتتاردىڭ بارىمەن كەلىستىك. ەندى ماجىلىسكە ەنگىزگەلى وتىرمىز»، - دەپ جاۋاپ بەردى مينيستر.

سونداي-اق ول قازاقستاندىق ايەلدەر 2023 جىلدىڭ 1 قاڭتارىنان باستاپ 61 جاسىندا زەينەتكە شىعا باستايتىنىن ەسكە سالدى.

«ءيا بۇل نورما 2028 جىلعا دەيىن كۇشىندە بولادى. 2028 جىلدان كەيىن كورەمىز. زەينەتكەرلىك جاسى ءومىر ۇزاقتىعىنا، دەنساۋلىعىنا، زەينەتاقىنىڭ مولشەرىنە بايلانىستى بەلگىلەنەدى. 2028 جىلعا دەيىن وسى ماسەلەلەر بويىنشا قارايمىز. ارى قاراي ۋاقىت كورسەتەدى»، - دەدى تامارا دۇيسەنوۆا.

Abai.kz