جۇما, 29 ناۋرىز 2024
1363 0 پىكىر 20 قىركۇيەك, 2022 ساعات 10:37

توقاەۆ ءىرى الەمدىك كومپانيا باسشىلارىمەن كەزدەستى

مەملەكەت باسشىسى قارجى، ەنەرگەتيكا، اۋىل شارۋاشىلىعى، ونەركاسىپ، كولىك، اقپاراتتىق تەحنولوگيالار، ءبىلىم بەرۋ سالالارىندا جۇمىس ىستەيتىن امەريكالىق ءىرى كومپانيالاردىڭ باسشىلارىمەن كەزدەستى.

پرەزيدەنت قاسىم-جومارت توقاەۆتىڭ امەريكالىق ءىرى كومپانيالاردىڭ باسشىلارىمەن كەزدەسۋى الەمدەگى ەڭ ءىرى ينۆەستيتسيالىق بانكتەردىڭ ءبىرى Goldman Sachs-ءتىڭ مۇناي جانە شيكىزات ساۋداسى جونىندەگى جاھاندىق باسقارۋشى ديرەكتورى ەد ەمەرسونمەن اڭگىمەلەسۋدەن باستالدى.

كەزدەسۋ بارىسىندا قازاقستاندا جاڭا ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى. قازىرگى ۋاقىتتا بۇل بانك «استانا» حالىقارالىق قارجى ورتالىعىمەن تابىستى ىنتىماقتاستىق ورناتقان. سونداي-اق ەنەرگەتيكا سالاسىن دامىتۋدىڭ كەلەشەگى جونىندە دە پىكىر الماستى.

Grupo Los Grobo كومپانياسىنىڭ توراعاسى گۋستاۆو گروبوكوپاتەلمەن جانە حالىقارالىق دامۋ ورتالىعىنىڭ ءوسىم زەرتحاناسىنىڭ ديرەكتورى، گارۆارد ۋنيۆەرسيتەتىنىڭ پروفەسسورى ريكاردو حاۋسمانمەن كەزدەسۋدە اۋىل شارۋاشىلىعى سالاسىنداعى ىنتىماقتاستىقتى دامىتۋ پەرسپەكتيۆالارى تالقىلاندى.

JPMorgan Chase & Co. كومپانياسىنىڭ توراعاسى – باس اتقارۋشى ديرەكتورى دجەيمي دايمونمەن وتكەن كەزدەسۋدە قارجى ينستيتۋتتارىنىڭ ءوزارا ءىس-ارەكەتى قاراستىرىلدى. سونداي-اق الەمدىك ەكونوميكانىڭ، ونىڭ ىشىندە قارجى نارىقتارىنىڭ دامۋ پەرسپەكتيۆالارى تۋرالى پىكىر الماستى.

پرەزيدەنت الەمدەگى ەڭ ءىرى قارجى-تالداۋ كومپانيالارىنىڭ ءبىرى S&P global كومپانياسىنىڭ ۆيتسە-پرەزيدەنتى دەنيەل ەرگينمەن ەنەرگەتيكالىق قاۋىپسىزدىك سالاسىنىڭ وزەكتى ماسەلەلەرى مەن ەلىمىزدىڭ جاھاندىق باسەكەگە قابىلەتتىلىگىن ارتتىرۋ شارالارى جونىندە پىكىر الماستى.

بۇدان بولەك، مەملەكەت باسشىسى ەرام systems كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ توراعاسى اركادي دوبكينمەن كەزدەستى. كەزدەسۋ بارىسىندا قازاقستاندا تولىققاندى تەحنولوگيالىق حاب قۇرۋ جانە IT سالاسىندا ادامي كاپيتالدى دامىتۋ ماسەلەلەرى اڭگىمە ارقاۋىنا اينالدى. ەرام systems – باعدارلامالىق قامتاماسىز ەتۋ جانە كۇردەلى تسيفرلىق پلاتفورمالاردى ازىرلەۋ قىزمەتىن كورسەتەتىن الەمدىك جەتەكشى كومپانيا.

Coursera كومپانياسىنىڭ باس ديرەكتورى دجەفف مادجيونكالدامەن بولعان كەزدەسۋدە مەملەكەتتىك قىزمەتشىلەردىڭ بىلىكتىلىگىن ارتتىرۋ، ۋنيۆەرسيتەتتەردى اكادەميالىق قولداۋ جانە ازاماتتاردى وقىتۋ مەن قايتا وقىتۋ سىندى ءبىلىم بەرۋ سالاسىنىڭ ماسەلەلەرى قاراستىرىلدى. Coursera - ءبىلىم بەرۋ جانە زاماناۋي ومىرلىك داعدىلاردى وقىتۋ سالاسىنداعى كوشباسشى كومپانيالاردىڭ ءبىرى.

سونداي-اق قاسىم-جومارت توقاەۆ Microsoft كومپانياسىنىڭ ورتالىق ازيا جانە شىعىس ەۋروپا بويىنشا باس مەنەدجەرى ميشەل سيممونسپەن جولىقتى. اڭگىمەلەسۋ بارىسىندا كومپانيانىڭ قازاقستانداعى قىزمەتىن كەڭەيتۋ پەرسپەكتيۆالارى، ونىڭ ىشىندە IT زەرتحاناسىن اشۋ جانە IT مامانداردىڭ بىلىكتىلىگىن ارتتىرۋ جانە قايتا دايارلاۋ جوسپارى تالقىلاندى.

پرەزيدەنت General Electric International Markets كومپانياسىنىڭ اعا ۆيتسە-پرەزيدەنتى نابيل حابايەبپەن كەزدەستى. كوپوراتسيا قازاقستانعا مەديتسينالىق جابدىقتار ءوندىرىسىن كوشىرۋگە نيەتتى، اتاپ ايتقاندا ۋدز جانە كت اپپاراتتارىن شىعاراتىن جاڭا وندىرىستىك جەلىنى ىسكە قوسۋ جوسپارلانىپ وتىر.

سونىمەن قاتار مەملەكەت باسشىسى ExxonMobil كورپوراتسياسىنىڭ اعا ۆيتسە-پرەزيدەنتى نيل چەپمانمەن ەلىمىزدىڭ كومىرسۋتەك سەكتورىنداعى بىرقاتار جوبالاردى ىسكە اسىرۋ بارىسىن تالقىلادى. كەزدەسۋدە قاشاعان كەن ورنىندا تولىق اۋقىمدى ءوندىرىستى قايتا باستاۋ مەرزىمدەرى قاراستىرىلدى.

قاسىم-جومارت توقاەۆ پەن Franklin Templeton جاھاندىق ينۆەستيتسيالىق فيرماسىنىڭ باس ديرەكتورى دجەنني دجونسون قازاقستاندا بىرلەسكەن جوبالاردى ىسكە اسىرۋدىڭ مۇمكىندىكتەرىن قاراستىردى. سونداي-اق الەمدىك ەكونوميكا مەن قارجى نارىقتارىنىڭ ودان ءارى دامۋى جونىندە پىكىر الماستى. Franklin Templeton – 1,5 ترلن دوللارلىق اكتيۆكە يە جاھاندىق ينۆەستيتسيالىق كومپانيا.

بارلىق كەزدەسۋ اياقتالعاننان كەيىن مەملەكەت باسشىسى اقش ساۋدا پالاتاسى، قازاقستان سىرتقى ىستەر مينيسترلىگى جانە «Kazakh Invest» ۇلتتىق كومپانياسى ۇيىمداستىرعان قازاقستان-امەريكا ينۆەستيتسيالىق دوڭگەلەك ۇستەلىنىڭ جۇمىسىنا قاتىستى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594