ديماش قۇدايبەرگەننىڭ الماتىداعى العاشقى جەكە كونتسەرتىنە الەمنىڭ 68 ەلىنەن جانكۇيەرلەر كەلدى، دەپ جازادى قازاقپارات.

2022 جىلدىڭ 23 قىركۇيەگىندە ديماش قۇدايبەرگەننىڭ قازاقستانداعى ەڭ ۇلكەن جانە اتى اڭىزعا اينالعان سپورت عيماراتتارىنىڭ ءبىرى - ورتالىق ستاديوندا «Stranger» اتتى ۇلكەن جەكە كونتسەرتى وتەدى.

كونتسەرتتى ۇيىمداستىرۋعا 200-دەن استام مامان جۇمىلدىرىلعان. كونتسەرتكە 400 ۆولونتەر قولداۋ مەن كومەك كورسەتەدى.

كونتسەرتتە ديماش قۇدايبەرگەن 31 ءان ورىندايدى. شوۋ بارىسىندا ءارتىستى ءوزىنىڭ بەند-توبى سۇيەمەلدەيدى. وندا بارشانىڭ ءسۇيىپ تىڭدايتىن كومپوزيتسيالارىمەن قاتار، جاڭا تۋىندىلار دا شىرقالادى.

بۇعان دەيىن الەۋمەتتىك جەلىلەردە الماتى قوناقۇيلەرىندەگى بارلىق ورىندى ديماشتىڭ شەتەلدىك جانكۇيەرلەرى ساتىپ الىپ جاتقانى تۋرالى ايتىلعان. قازىر «تيكەتون» قوسىمشاسى ارقىلى كونتسەرتكە 21 مىڭ بيلەت ساتىلعان.

Abai.kz