ۇقك قازاق-ورىس شەكاراسىنىڭ جابىلۋى تۋرالى اقپاراتتى جوققا شىعاردى
سولتۇستىك قازاقستان وبلىسىنداعى قازاق-ورىس شەكاراسى جابىلدى، دەگەن اقپاراتتى ۇلتتىق قاۋىپسىزدىك كوميتەتى جوققا شىعاردى.
«قازاقستاننىڭ وتكىزۋ پۋنكتەرى شتاتتىق رەجيمدە جۇمىس ىستەپ تۇر. مەملەكەتتىك شەكارا ارقىلى ادامداردى، كولىك قۇرالدارىن، جۇكتەر مەن تاۋارلاردى وتكىزۋ قازاقستان رەسپۋبليكاسىنىڭ زاڭنامالارى مەن حالىقارالىق كەلىسىمدەرىنە سايكەس ىسكە اسىرىلۋدا”،- دەلىنگەن حابارلامادا
كوميتەتتىڭ مالىمدەۋىنشە، رەسەيلىك تاراپتان وتكىزۋ پۋنكتەرىنىڭ جابىلۋى تۋرالى رەسمي اقپارات تۇسپەگەن.
بۇعان دەيىن، تاكسي جۇرگىزۋشىلەرى مەن رەسمي ەمەس دەرەككوزدەر "رەسەي تاراپى اسكەر جاسىنداعى ەر ادامداردى شەكارادان وتكىزۋدى توقتاتقانىن" ايتقان.
Abai.kz
